Showing posts with label wedding tips. Show all posts
Showing posts with label wedding tips. Show all posts

Sunday, 10 January 2021

നവവധുവിനായുള്ള മേക്കപ്പ് ടിപ്സുകൾ - Wedding Special

 ഒരു പെൺകുട്ടിയുടെ ജീവിതത്തിലെ ഏറ്റവും സുപ്രധാനമായ മുഹൂർത്തമാണ് വിവാഹം. നവവധുവായി ഒരുങ്ങേണ്ട സുന്ദരവേളയിൽ ശ്രദ്ധിക്കേണ്ട ചില കാര്യങ്ങളിതാ
 1. ഒരു പെൺകുട്ടിയുടെ വിവാഹം തീരുമാനിച്ചുകഴിഞ്ഞാൽ 3 മുതൽ 6 മാസംമുമ്പുതന്നെ ബ്യൂട്ടി ട്രീറ്റ്മെന്റ് ആരംഭിക്കേണ്ടതാണ്. അവരവരുടെ സ്കിൻടോണിന്റെ പ്ലസ്സും മൈനസും മനസ്സിലാക്കിക്കൊണ്ടായിരിക്കണം. ബ്യൂട്ടി ട്രീറ്റ്മെന്റ് സമയപരിമിതി ഉണ്ടെങ്കിൽ കുറഞ്ഞത് രണ്ട് സിറ്റിംഗിനെങ്കിലും സമയം കണ്ടെത്തിയാൽ മാത്രമേ വധുവിന് വിവാഹത്തിന്റെ ദിനത്തിൽ ശോഭിക്കാനാവൂ.
 2, ബ്ലീച്ച്, ഫേഷ്യൽ, ഐബ്രാ , വാക്സിംഗ്, മുടിയുടെ സ്പാ, പെഡി ക്യൂർ, മാനിക്യൂർ എന്നിങ്ങനെയുള്ള എല്ലാ ബ്യൂട്ടി ട്രീറ്റ്മെന്റുകളും വിവാഹത്തിനുമുമ്പുതന്നെ ചെയ്തുതീർക്കുന്നതാണ് നല്ലത്.
 3. ചില കുട്ടികളുടെ മുഖത്ത് ധാരാളം മുഖക്കുരു കാണും. ഇങ്ങനെയുള്ളവർ നിറം വർദ്ധിപ്പിക്കാനുതകുന്ന ബ്ലീച്ച് ഉപയോഗിക്കു മ്പോൾ പ്രത്യേകം ശ്രദ്ധിക്കേണ്ടതാണ്. അതല്ലെങ്കിൽ മുഖക്കുരു വർദ്ധിക്കാൻ സാദ്ധ്യതയേറും.
 4. ഓരോ വ്യക്തിയുടെയും ചർമ്മം വ്യത്യസ്തമാണ്. വിവാഹം എന്നുകേൾക്കുമ്പോൾതന്നെ ഗോൾഡ് ഫേഷ്യലാണ് ഏറ്റവുമധികം ആളുകൾ തെരഞ്ഞെടുക്കുക. പക്ഷേ, എണ്ണമയമുള്ള ചർമ്മം ഉള്ളവർക്ക് പ്രതീക്ഷിക്കുന്ന ഫലം അതിലൂടെ ലഭിക്കുകയില്ല. അതിനാൽ അവരവർക്ക് അനുയോജ്യമായവ തെരഞ്ഞെടുക്കുന്നതാണ് ഉചിതം .
 5. നമ്മുടെ നാട്ടിലെ പെൺകുട്ടികൾ പൊതുവേ ട്രെഡീഷണൽ സ്റ്റൈലിലുള്ള വസ്ത്രങ്ങളാണ് ധരിക്കാറുള്ളത്. അങ്ങനെയുള്ളവർക്ക് ലൈറ്റ് മേക്കപ്പാണ് അനുയോജ്യം.
 6. വൈകുന്നേരങ്ങളിലെ റിസപ്ഷന് ഹെവി മേക്കപ്പും സ്റ്റോൺവർക്കുള്ള ആഭരണങ്ങളും ധരിക്കാം. കണ്ണൂകൾക്ക് ചുറ്റും ഹെവിമേക്കപ്പാണ് വേണ്ടത്. റിച്ച് ലുക്ക് കിട്ടാൻ ഇത് സഹായിക്കും.  വിവാഹത്തിനുമുമ്പുതന്നെ മേക്കപ്പിട്ട് ഒന്ന് പരീക്ഷിച്ചു നോക്കേണ്ടതാണ്. അതുപോലെ സാരിക്ക് അനുയോജ്യമായ ആഭരണങ്ങളും റെഡിയാക്കിവെയ്ക്കണം. ഹെയർ സ്റ്റൈലും. അവസാനനിമിഷം വരെ കാത്തിരിക്കേണ്ടതില്ല. അതിരാവിലെയുള്ള മുഹൂർത്തമാണെങ്കിൽ തലേന്ന് രാത്രിതന്നെ സാരിയുടെ പ്ലീറ്റ്സൊക്കെ ശരിയാക്കി വെയ്ക്കണം.

Friday, 8 January 2021

രാജകുമാരികളായി ഒരുങ്ങിയിറങ്ങാം - Wedding Tips

നൂറായിരം കണ്ണുകൾക്ക് നടുവിലേക്കാണ് ഒരു വധു ഇറങ്ങിച്ചെല്ലുന്നത്. കണ്ണുള്ളവരെല്ലാം കണ്ണുചിമ്മാതെ നോക്കിനിൽക്കാൻ, ഒരു രാജകുമാരിയെപ്പോലെ ഒരുങ്ങിയിറങ്ങണം. കല്യാണ ദിവസം കുറവുകൾ ഒന്നുമില്ലാതെ ആകർഷണം തോന്നുംവിധം സുന്ദരിയായി അണിഞ്ഞൊരുങ്ങുക, ഓരോ മണവാട്ടിയുടെയും മനസ്സ് ആഗ്രഹിക്കുന്നത് ഇങ്ങനെ തന്നെയാവും .
സൗന്ദര്യത്തിന് എന്തെങ്കിലും കുറവുകൾ ഉണ്ടെങ്കിൽ അതെല്ലാം പരിഹരിച്ചേ ഇന്നത്തെ പെൺകുട്ടി മണ്ഡപത്തിലേക്ക് കയറൂ. കല്യാണദിവസം മുഖം നിറയെ വെള്ള പൂശിയതുപോലുള്ള ഹെവി മേക്കപ്പിന്റെ കാലം കഴിഞ്ഞു. കല്യാണപെണ്ണിനെ ആരും നോക്കി നിൽക്കുന്ന ചന്തത്തിൽ അണിയിച്ചൊരുക്കാൻ കംപ്ലീറ്റ് മേക്ക് ഓവർ അതാണ് ഇന്നത്തെ ട്രെന്റ്. 

തയ്യാറെടുപ്പുകൾ 

 ജീവിതത്തിലെ ഇതുവരെയുള്ള ദിവസങ്ങൾ പോലെയല്ലല്ലോ വിവാഹദിവസം  അതിഥികളായി വന്നെത്തുന്നവരുടെ മുമ്പിലായാലും, ഫോട്ടോയിലും വീഡിയോയിലുമെല്ലാം സുന്ദരിയായി തിളങ്ങാൻ വിവാഹത്തിന് മൂന്നു മാസം മുമ്പെങ്കിലും തയ്യാറെടുപ്പുകൾ തുടങ്ങണം.
വിവാഹ ഒരുക്കങ്ങൾക്ക് പരിചയസമ്പന്നയായ ഒരു ബ്യൂട്ടീഷനെ കണ്ടെത്തുക എന്നതാണ് ആദ്യം വേണ്ടത്. നേരിട്ട് പരിചയമില്ലാത്ത ബ്യൂട്ടീഷനെയാണ് ഉദ്ദേശിക്കുന്നതെങ്കിൽ അവർ ഒരുക്കിയ വധുവിന്റെ ഫോട്ടോ കണ്ടോ അവർ ഒരുക്കിയ വധുവിനെ നേരിൽ കണ്ട് സംസാരിച്ചോ ബ്യൂട്ടീഷനെ വിലയിരുത്തണം. ബ്യൂട്ടീഷനെ തീരുമാനിച്ചാൽ പിന്നെ ട്രീറ്റ്മെന്റുകൾ ആരംഭിക്കാം. വിവാഹനാളിൽ സുന്ദരിയായി തിളങ്ങണമെങ്കിൽ കുറഞ്ഞത് മൂന്നുമാസം മുമ്പെങ്കിലും ട്രീറ്റ്മെന്റ്സ് തുടങ്ങണം, ഓരോരുത്തരുടെയും ചർമ്മത്തിന് യോജിച്ച ട്രീറ്റ്മെന്റുകളാണ് തെരഞ്ഞെടുക്കേണ്ടത്. ഡാമേജ് സ്കിൻ ഉള്ളവർ അഞ്ചുമാസം മുമ്പേ ട്രീറ്റ്മെന്റുകൾ തുടങ്ങണം.  സ്പെഷ്യൽ വൈറ്റനിങ്ങ് ട്രീറ്റ്മെന്റ് നിറം നന്നേ കുറഞ്ഞവർക്കാണ്. നോർമ്മൽ സ്കിന്നുള്ളവർക്ക് കെമിക്കൽ ഫീൽ ഫേഷ്യലും ഡ്സ്കിന്നുള്ളവർക്ക് ലേസർ ട്രീറ്റ്മെന്റും (ഫോട്ടോ ഫേഷ്യൽ ചെയ്യാം. സ്കിൻ ഓപ്പൺ ചെയ്യാനും മുഖക്കുരു, കറുത്തപാടുകൾ ഇവ യെല്ലാം അകറ്റാനും വിറ്റാമിൻ സി അടങ്ങിയ ഈ ഫേഷ്യലുകൾ ഏറെ ഫലപ്രദമാണ്. വെളുത്ത നിറമുള്ളവർക്ക് ഗോഫേഷ്യൽ, ഗോൾഡ് ഫേഷ്യൽ തുടങ്ങിയവ ചെയ്യാം. ട്രീറ്റ്മെന്റ് ഒരു മാസം മുമ്പേ തുടങ്ങിയാൽ മതി. ഇരുണ്ട നിറമുള്ളവർക്ക് പേൾ, ഡയമണ്ട്, അരോമ, ഷഹനാസ്, സിൽവർ തുടങ്ങിയ ഫേഷ്യലുകൾ തെരഞ്ഞെടുക്കാം.
ഹെയർ ട്രീറ്റ്മെന്റ്സ്
 മുഖസൗന്ദര്യത്തിനൊപ്പം പ്രധാനമാണ് മുടിയുടെ സംരക്ഷണവും. പ്രോട്ടീൻ ട്രീറ്റ്മെന്റ് മുടിക്ക് കരുത്തേകാനും നല്ല നിറം ഉണ്ടാകാനും മുടികൊഴിയാതിരിക്കാനും ഫലവത്താണ്. "ഡ' ഹെയർ മൃദുവാകാൻ ഹെയർ സ്പാ ഉത്തമമാണ്. നോർമൽ സ്പാ ഇരുപത് ദിവസത്തിൽ ഒരിക്കൽ ചെയ്യണം. പെർമനന്റ് സ്പായാണ് ചെയ്യുന്നതെങ്കിൽ ആറുമാസത്തിലൊരിക്കൽ മതിയാകും. മുടിയഴകിനുവേണ്ടി ട്രീറ്റ്മെന്റ് ചെയ്യുന്നതിനൊപ്പം മുടി ട്രീം ചെയ്യുകയും വേണം. വിവാഹത്തിന് രണ്ടാഴ്ച മുമ്പേ, അണിയുന്ന വസ്ത്രത്തിനും മുഖത്തിന്റെ ആകൃതിക്ക് ചേരുന്നവിധം ഒരു ഹെയർ സ്റ്റൈൽ കണ്ടെത്തണം .
ബോഡി പോളിഷിംഗ്
 വിവാഹദിവസം മുഖസൗന്ദര്യവും മുടിയഴകും മാത്രം നന്നായിരുന്നാൽ പോരാ. കൈകാലുകളും ചുമലും ശരീരചർമ്മത്തിന്റെ സൗന്ദര്യവും എല്ലാം ശ്രദ്ധിക്കേണ്ടതുതന്നെ. ചർമ്മം സുന്ദരമായി തിളങ്ങാൻ ബോഡി പോളീഷ് വിവാഹത്തിന് പത്തുദിവസം മുമ്പെങ്കിലും ചെയ്യണം. ബോഡി പോളിഷിങ്ങ് രണ്ട് രീതിയിലുണ്ട്. ബോഡിപീലും, ബോഡി സ്പായും. ബ്യൂട്ടീഷനുമായി കൺസൾട്ട് ചെയ്ത് ഇതിൽ ഏത് വേണമെന്ന് തീരുമാനിക്കാം. രണ്ടോ മൂന്നോ ആഴ്ച കൂടുമ്പോൾ പെഡിക്യൂറും മാനിക്യൂറും ചെയ്ത് കൈയും കാലും സുന്ദരമാക്കാം. ഇനി വാക്സിങ്ങ് കൂടിയായാൽ, ചർമ്മം ഒന്നുകൂടി സുന്ദരമാകും. ബോഡിഫുൾ വാക്സിംഗ്, ഹാന്റ്, ലെഗ് ഇങ്ങനെ പല രീതിയിൽ വാക്സസിംഗ് തെരഞ്ഞെടുക്കാം. ചർമ്മത്തിന്റെ സ്വഭാവം നോക്കിവേണം വാക്സിങ്ങ് തെരഞ്ഞെടുക്കാൻ. ഹോട്ട് വാക് ആണ് ബെറ്റർ ചോയ്സ്.
മേക്കപ്പ്
 ഓരോരുത്തരുടെയും രൂപത്തിനും സ്കിൻടോണിനും ചേരുന്നവിധം വേണം മേക്കപ്പ് തെരഞ്ഞെടുക്കാൻ. ഇരുണ്ട നിറമുള്ള വർക്ക് ഒരു യെല്ലോയിഷ് മേക്കപ്പായിരിക്കും ചേരുക. ചർമ്മത്തിന് ചേരുന്ന നിറത്തിലുള്ള ഫൗണ്ടേഷൻ തെരഞ്ഞെടുക്കാൻ എപ്പോഴും ശ്രദ്ധിക്കണം. ചർമ്മത്തിന് ചേരുന്ന വിധമുള്ള ഫൗണ്ടേഷൻ ഇട്ടാൽ അത് വധുവിനൊരു നാച്വറൽ ലുക്ക് നൽകും.  കണ്ണുകൾക്ക് തിളക്കവും ഭംഗിയും നൽകുന്ന ഐ മേക്കപ്പാണ് വധുവിന് വേണ്ടത്. വിവാഹവേഷത്തിന്റെ അതേ നിറത്തിലുള്ള ഐ ലൈനറും ഐഷാഡോയും അണിയാം. ഐലാഷ് ഇല്ലാത്തവർക്ക് കൃതിമ ലാഷ് വച്ച് കൊടുത്തും കണ്ണിന്റെ ഭംഗി കൂട്ടാം. ചർമ്മത്തിന് ചേരുന്ന ലിപ്റ്റസ്റ്റിക്കും, ചുണ്ട് വരളാതിരിക്കാൻ ഇടയ്ക്കിടെ ലിപ് ഗ്ലാസും പുരട്ടാം. നമ്മുടെ കാലാവസ്ഥയിൽ വിയർപ്പ് മൂലം മേക്കപ്പ് പടരാൻ ഇടയുള്ളതിനാൽ വാട്ടർ പൂഫ് ഫൗണ്ടേഷൻ, കാജൽ, ഐലാനർ, മസ്കാര എന്നിവ ഉപയോഗിക്കുന്നതാണ് ഉചിതം. മേക്കപ്പിന്റെ ഫിനിഷിങ്ങിനായി സ്കിന്നിനുചേരുന്ന ബ്ലഷർ കൂടി ഉപയോഗിക്കാം .
വസ്ത്രങ്ങൾ, ആഭരണങ്ങൾ കഴിയുന്നതും ലൈറ്റ് ആയിരിക്കുക. കാഴ്ചയിൽ റോയൽ ആയിരിക്കുക. കല്യാണവസ്ത്രങ്ങളെക്കുറിച്ച് പെൺകുട്ടികളുടെ ഇഷ്ടങ്ങൾ ഇങ്ങനെയൊക്കെയാണ്.


 

മുസ്ലീം-ക്രിസ്ത്യൻ വധു - Wedding Tips

                                       മുസ്ലീം-ക്രിസ്ത്യൻ വധു
മുസ്ലീം - ക്രിസ്ത്യൻ സമുദായങ്ങളിലെ പെൺകുട്ടികളുടെ വിവാഹത്തിന് അണിയുന്ന പ്രത്യേകതരം ആഭരണങ്ങളെന്നുപറയാൻ ഒന്നുമില്ല. പണ്ട് കാലത്ത് ക്രിസ്ത്യൻ സമുദായ ത്തിലെ അമ്മച്ചിമാർ കാതിൽ അണിഞ്ഞിരുന്നത് നല്ല വലുപ്പമുള്ള മേക്കാമോതിരമായിരുന്നു. ചില അമ്മച്ചിമാരെ കണ്ടാൽ കാതിനെ ക്കാൾ വലുപ്പം കമ്മലിനുണ്ടെന്ന് തോന്നിപ്പോകും. പിന്നിൽ ഞൊറിയിട്ട വെള്ള മുണ്ടും ചട്ടയും മേക്കാമോതിരവും പഴയ അമ്മച്ചിമാരുടെ ഇഷ്ടപ്പെട്ട വേഷമായിരുന്നു.
ട്രഡീഷണൽ ആഭരണമെന്ന് വിശേഷിപ്പിക്കാവുന്ന മേക്കാമോതിരം തറവാട്ട് മഹിമയുടെ അടയാളപ്പെടുത്തൽ കൂടിയാണ്. മുണ്ടും ചട്ടയും മേക്കാമോതിരവുമണിഞ്ഞുനിൽക്കുന്ന അമ്മച്ചിമാർ തറവാടിന്റെ ഐശ്വര്യമെന്ന് പറഞ്ഞിരുന്ന ഒരു കാലമുണ്ടായിരുന്നു. അതൊക്കെ ഇന്ന് പഴങ്കഥകളായി. അമ്മച്ചിമാരും ഫാഷന് പിന്നാലെയാണ്.
മുസ്ലീം സമുദായത്തിലെ ഉമ്മമാരുടെ വിശേഷപ്പെട്ട ആഭരണമായിരുന്നു അലിക്കത്ത്. ഹാന്റിക് വർക്കുകളുള്ള നേർത്ത വട്ടകമ്മലിന്റെ അടി ഭാഗത്തായി നിറയെ സ്വർണ്ണമുത്തുകളുണ്ടാകും. രണ്ട് കാതുകളുടെയും മുകളറ്റം മുതൽ കീഴറ്റം വരെ വിശറിപോലെ കിടക്കുന്ന അലിക്കത്തു രസകരമായ കാഴ്ചയാണ്. കാലം പുരോഗമിച്ചപ്പോൾ ട്രഡീഷണൽ സ്വഭാവമുള്ള മേക്കാമോതിരവും അലിക്കത്തുമൊക്കെ ഔട്ട് ഓഫ് ഫാഷനായി.
വിവാഹത്തിന് ഒരുങ്ങുന്ന ക്രിസ്ത്യൻ പെൺകുട്ടികൾ ഇന്ന് ധാരാളമായി ഉപയോഗിക്കുന്നത് ഡയമണ്ട് ആഭരണങ്ങളാണ്. വിവാഹത്തിനുമുമ്പ് നടക്കുന്ന മനസ്സമ്മതത്തിന് ഒരു മാല അല്ലെങ്കിൽ രണ്ട്. വില കൂടിയ സാരിയാണ് ധരിക്കുന്നതെങ്കിൽ അതിന് മാച്ച് ചെയ്യുന്ന അൺകട്ട് ഡയമണ്ട് നെക്ലെസായിരിക്കും ഉപയോഗിക്കുന്നത്. അല്ലെങ്കിൽ ഹാന്റിക് വർക്കുള്ള സ്വർണ്ണാഭരണങ്ങൾ.
കല്യാണ ദിവസം മിക്കവാറും വൈറ്റ് ഗൗണായിരിക്കും. അതിന് യോജിച്ചരീതിയിൽ കളർ കോമ്പിനേഷൻ രത്നം വരുന്ന ഡയമണ്ട് ആഭരണങ്ങളാണ് ധരിക്കുന്നത്. വിവാഹത്തിനുശേഷമുള്ള റിസപ്ഷന് മിക്കവാറും സാരിയായിരിക്കും. സാരിയോടൊപ്പം ഹാന്റിക് വർക്കുകളുള്ള ട്രഡീഷണൽ ആഭരണങ്ങളാണ് ഉപയോഗിക്കുക. എണ്ണം കുറച്ച് നല്ല ഡിസൈനിലുള്ള ആഭരണങ്ങളാണ് പെൺകുട്ടികൾ സെലക്റ്റ് ചെയ്യുന്നത്. ഒരുപാട് ആഭരണങ്ങൾ ധരിക്കുന്നതിനെക്കാൾ നല്ലത് മികച്ച ഒരെണ്ണം മതിയെന്ന ന്യൂജനറേഷന്റെ കണ്ടെത്തൽ ഏറെക്കുറെ ശരിയുമാണ്. കല്യാണത്തിൽ പങ്കെടുക്കാനെത്തുന്ന സ്ത്രീകളുടെ ശ്രദ്ധ മുഴുവൻ വധു അണിഞ്ഞിരിക്കുന്ന ഡ്രസ്സിലും ആഭരണങ്ങളിലുമായിരിക്കുമല്ലോ. നാല് പേർ ഒരുമിച്ചാണിരിക്കുന്നതെങ്കിൽ അവരുടെ മുന്നിലെ പ്രധാന ചർച്ചാ വിഷയം ഇതുതന്നെയായിരിക്കും. സാധാരണയായി മുസ്ലീം പെൺകുട്ടി കളുടെ കല്യാണത്തിന് ധാരാളമായി സ്വർണ്ണാഭരണങ്ങൾ ഉപയോഗിക്കാറുണ്ട്. ഇതിൽ പ്രധാനമായിട്ടുള്ളത് ആന്റിക് ആഭരണങ്ങളാണ് . കല്യാണത്തിന് പെൺകുട്ടിയുടെ ദേഹം നിറഞ്ഞുകിടക്കണമെന്നുള്ളതുകൊണ്ട് ചെട്ടിനാട് കേരളപാറ്റേൺ, ആന്റിക് ആഭരണങ്ങൾ തുടങ്ങി എല്ലാ രീതിയിലുമുള്ള പുതിയ പാറ്റേൺ സ്വർണ്ണാഭരണങ്ങൾ ധരിക്കാറുണ്ട്. പഴയ കൺസ പൂറ്റിൽ നിന്നു മാറി മുസ്ലീം പെൺകുട്ടികളും ഡയമണ്ട് ആഭരണങ്ങൾക്ക് പ്രാധാന്യം നൽകിതുടങ്ങിയിരിക്കുന്നു. - ക്രിസ്ത്യൻ പെൺകുട്ടികളായാലും മുസ്ലീം പെൺകുട്ടികളായാലും ദേഹം നിറഞ്ഞുകിടക്കുന്ന സ്വർണ്ണാഭരണങ്ങളെക്കാൾ അവർക്ക് താൽപ്പര്യം ഡയമണ്ടിനോടാണ് എന്ന് കരുതി സ്വർണ്ണാഭരണങ്ങൾ പാടേ ഉപേക്ഷിച്ചുകളഞ്ഞുവെന്ന് ഇതിന് അർത്ഥമില്ല. ഇന്നും സാധാരണക്കാർ ഉപയോഗിക്കുന്നത് സ്വർണ്ണാഭരണങ്ങൾ തന്നെയാണ്. അതിലൊരു മാറ്റവും വന്നിട്ടില്ല.  ഡയമണ്ട് ആഭരണങ്ങളും സ്വർണ്ണാഭരണങ്ങളും തമ്മിൽ വിലയിൽ വലിയ അന്തരമുണ്ട്. സ്വർണ്ണാഭരണങ്ങൾ ആവശ്യമുള്ളവർ അത് ഉപയോഗിക്കുന്നു. ഡയമണ്ട് ആഭരണങ്ങളോട് താൽപ്പര്യമുള്ളവർ അതിലേക്ക് പോകുന്നു. ഓരോരുത്തരുടെ ഇഷ്ടങ്ങൾക്കും സാമ്പത്തികഭദതയ്ക്കും അനുസരിച്ചാണ് ആഭരണങ്ങൾ തെരഞ്ഞെടുക്കുന്നത്.
 

Search This Blog