Showing posts with label serial actress interview. Show all posts
Showing posts with label serial actress interview. Show all posts

Friday, 25 June 2021

സാന്ത്വനം വീട്ടിലെ മരുമകൾ അഞ്ജലിയുടെ വിശേഷങ്ങൾ -Santwanam serial Actress Gopika Interview

 അഭിനയം എന്താണെന്ന് പോലും അറിയാത്ത പ്രായത്തിലാണ് ഗോപിക സിനിമയിലെത്തിയത്. ബാല താരമായി തിളങ്ങിയെങ്കിലും എന്നെങ്കിലുമൊരിക്കൽ നായികയായി തിരികെയെത്തുമെന്നോ കൈയടികൾ സ്വന്തമാക്കുമെന്നോ അവൾ മനസിൽ കരുതിയിരുന്നില്ല. പതിയെ അഭിനയം വിട്ട് പഠനത്തിന്റെ തിരക്കുകളിലേക്കായി ശ്രദ്ധ. ഒടുവിൽ, പഠിച്ച് ഡോക്ടറായപ്പോഴേക്കും ഗോപികയെ തേടി പിന്നെയും അവസരങ്ങളെത്തി. ഇത്തവണ പക്ഷേ, മിനിസ്റ്റീനായിരുന്നു തട്ടകമെന്ന് മാത്രം. 

"സാന്ത്വനം' വീടിനെയും മരുമകൾ അഞ്ജലിയെയും പ്രേക്ഷകർ ഇരുകൈയും നീട്ടി സ്വീകരിക്കുമ്പോൾ ഗോപികയും ഹാപ്പിയാണ്.  "ഒട്ടും പ്രതീക്ഷിക്കാത്ത കാര്യങ്ങളാണ് ഇപ്പോൾ സംഭവിക്കുന്നതൊക്കെ. എല്ലാവരും നല്ല അഭിപ്രായം പറയുന്നു, നല്ലൊരു ടീമിനൊപ്പം വർക്ക് ചെയ്യാൻ പറ്റി, അങ്ങനെ സന്തോഷിക്കാൻ ഒരുപാട് കാര്യങ്ങളുണ്ട്. എന്റെ അമ്മ ഈ സീരിയലിന്റെ തമിഴ് സ്ഥിരമായി കാണുമായിരുന്നു. ഇങ്ങനെയൊരു അവസരം വന്നപ്പോൾ നന്നായി പെർഫോം ചെയ്യാനുള്ള അവസരമുണ്ടെന്ന് അമ്മയാണ് ആദ്യം പറഞ്ഞത്. അതിലെ മുല്ല എന്ന കഥാപാത്രത്തെ കണ്ടിട്ടുണ്ടെങ്കിലും ഇമിറ്റേറ്റ് ചെയ്യാതിരിക്കാൻ ഞാൻ പ്രത്യേകം ശ്രദ്ധിച്ചിട്ടുണ്ട്. ഇതിപ്പോൾ സ്വന്തം രീതിക്ക് ചെയ്യാൻ കഴിയുന്നതിന്റെ സംതൃപ്തിയുണ്ട്. അത് പ്രേക്ഷകർക്ക് ഇഷ്ടപ്പെടുന്നതിന്റെ സന്തോഷം വേറെയും. അഞ്ജലിയെ പ്രേക്ഷകർ ഹൃദയത്തിലാണ് സ്വീകരിച്ചത്'.  ഗോപിക മനസുതുറക്കുന്നു. 

അഞ്ജലി കൃട്ടാണ്, ഗോപികയും

അഞ്ജലിയെ കുറിച്ച് കേട്ടപ്പോൾ തന്നെ ഇഷ്ടമായി. പക്ഷേ, അഭിനയിച്ച് ഫലിപ്പിക്കാൻ പറ്റുമോയെന്ന കാര്യത്തിൽ സംശയമായിരുന്നു. തുടക്കത്തിൽ നല്ല ബബ്ലിയായിട്ടുള്ള കഥാപാത്രമായിരുന്നു. ഇപ്പോൾ കുറച്ച് കരച്ചിലും വാശിയും ദേഷ്യവുമൊക്കെയാണ് കക്ഷിക്ക്. ഇതിന് മുന്നേ ചെയ്തതൊക്കെ പാവം കഥാപാത്രങ്ങളാണ്. "കബനി'യിൽ ശോകനായികയായിട്ടായിരുന്നു.  പക്ഷേ, അഞ്ജലി അതിൽ നിന്നൊക്കെ വ്യത്യസ്തയാണ്. എല്ലാ ഇമോഷൻസും നന്നായി കാണിക്കാൻ പറ്റന്നുണ്ട്. സാധാരണ ഒരു പെൺകുട്ടിക്ക് ഉണ്ടാകുന്ന എല്ലാ ഫീലിംഗ്സും കാണിക്കുന്നുണ്ട്. എനിക്കും ഒത്തിരിയിഷ്ടമുള്ള കഥാപാത്രമാണ് അഞ്ജലി.

ഞാൻ എപ്പോഴും സംസാരിച്ചുകൊണ്ടിരിക്കുന്ന ആളാണ്. അതുപോലെയാണ് ശരിക്കുള്ള അഞ്ജലിയും. ഇപ്പോൾ കഥയിൽ കുറച്ച് മാറ്റങ്ങൾ വന്നതുകൊണ്ടാണ് സങ്കടം അഭിനയിക്കേണ്ടി വരുന്നത്. എന്റെ സുഹൃത്തുക്കളൊക്കെ പറയാറുണ്ട് നിനക്ക് പറ്റിയ കഥാപാത്രത്തെ കിട്ടിയത് ഇപ്പോഴാണെന്ന്. ലൊക്കേഷനിലായാലും എപ്പോഴും കലപിലസംസാരിക്കുന്നയാളാണാൻ. ഒരിടത്തും അടങ്ങിയിരിക്കാൻ പറ്റില്ല. എപ്പോഴും ലൈവായി നിൽക്കാനാണ് ഇഷ്ടം. ഓടി നടക്കും. എല്ലാവരോടും വർത്തമാനം പറഞ്ഞിരിക്കാൻ ഇഷ്ടമാണ്. അതുകൊണ്ടാകാം ആക്ഷൻ പറയുമ്പോഴും വലിയ ടെൻഷനില്ലാതെ കാമറയ്ക്ക് മുന്നിൽ പോയി നിൽക്കാൻ പറ്റുന്നത്. എല്ലാവരും നമുക്കറിയുന്ന ആൾക്കാരാണല്ലോ. ഷോട്ട് റെഡിയായി എന്ന് പറയുമ്പോൾ പോയി അഭിനയിക്കുകയും തിരികെ വന്ന് ഒറ്റയ്ക്കിരിക്കാനും എനിക്ക് പറ്റാറില്ല. ലൊക്കേഷൻ കംഫർട്ടായതുകൊണ്ടാണ് അഭിനയം എളുപ്പമാകുന്നത്. 

വീണ്ടുമെത്തിയ ദൈവനിയോഗം

സ്വപ്നം സഫലമാകുമ്പോഴുണ്ടാകുന്ന സന്തോഷമാണ് എനിക്കിപ്പോൾ തോന്നുന്നത്. ഏതൊരു ആർട്ടിസ്റ്റം കൊതിക്കുന്ന അവസരമാണിത്. ചിപ്പി ചേച്ചിയാണ് ഈ സീരിയൽ നിർമ്മിക്കുന്നത്. ഒരു വർഷം മുന്നേ ഞാൻ അവരുടെ പ്രൊഡക്ഷൻസിന്റെ ഒരു ഓഡിഷനിൽ പങ്കെടുത്തിരുന്നു.  കബനിയുടെ ഷൂട്ട് നടക്കുന്ന സമയത്താണ് വാനമ്പാടിയുടെ കൺട്രോളർ ചിപ്പിചേച്ചിയുടെ പ്രൊഡക്ഷൻസിന്റെ ഓഡിഷനിൽ പങ്കെടുക്കാൻ പറയുന്നത്. അന്ന്

ഞാനും അനിയത്തിയുമുണ്ട്. പക്ഷേ, ഞങ്ങൾ ഡേറ്റില്ലെന്നൊക്കെ പറഞ്ഞ് ഒഴിഞ്ഞതാണ്. പക്ഷേ ആ ചേട്ട ൻ തന്നെയാണെന്ന് പങ്കെടുക്കൂവെന്ന് പറഞ്ഞ് നിർബന്ധിച്ചത്. അതിൽ അവസരം കിട്ടി. പക്ഷേ, അപ്പോഴേക്കും കബനിയുടെ ഷൂട്ട് തുടങ്ങിയിരുന്നു. അങ്ങനെ അന്നന്റെയ്യാൻ പറ്റിയില്ല. നല്ലൊരവസരം വന്നിട്ട് വിട്ടുകളഞ്ഞപ്പോൾ ഒത്തിരി സങ്കടം തോന്നി. കബനി കഴിഞ്ഞ സമയത്ത് വീണ്ടും അതേ അവസരം വന്നു. അതിന്റെ സന്തോഷം പറഞ്ഞറിയിക്കാൻ വാക്കുകളില്ല. ലോക് ഡൗൺ സമയത്ത് പല ഓഫറുകളും സീരിയലിൽ നിന്ന് വന്നിരുന്നു. ഏത് ചെയ്യണമെന്ന് ആലോചിക്കുന്ന സമയത്താണ് ഇതിയോഗം പോലെ വീണ്ടുമെത്തിയത്. കഥ കൊണ്ടും ടീം കൊണ്ടും പ്രൊഡക്ഷൻ കൊണ്ടും സാന്ത്വനം അടിപൊളിയാണ്. 

ഡോക്ടറാണ്, നായികയും 

  എന്റെ പ്രൊഫഷൻ അഭിനയമാണോ ഡോക്ടറാണോയെന്ന് ചോദിച്ചാൽ കുഴയും. പഠിച്ചത് ബി.എ.എം.എസ് ആണ്. കോഴ്സ് കഴിഞ്ഞിട്ട് രണ്ട് വർഷമായി. പക്ഷേ, പ്രാക്ടീസൊന്നും ചെയ്യുന്നില്ല. പഠിച്ച് കഴിഞ്ഞ് പി.ജിക്ക് പ്രിപ്പയർ ചെയ്യുന്ന സമയത്താണ് കബനിയിലേക്ക് വിളിക്കുന്നത്. ആദ്യം അവസരം വന്നത് അനിയത്തിക്കാണ്. "കബനി'യിലെ പത്മിനിയെന്ന കുറുമ്പും കുസൃതിയുമൊക്കെയുള്ള കഥാപാത്രത്തെയാണ് അവൾക്ക് കിട്ടിയത്.

ആ സമയത്ത് എന്റെ കാര്യത്തിൽ അഭിനയമെന്ന ചിന്ത ആർക്കുമുണ്ടായിരുന്നില്ല. പഠിത്തം കഴിഞ്ഞു, ഇനി ജോലി എന്നരീതിക്കായിരുന്നു കണക്കുകൂട്ടലുകളെല്ലാം. കബനി ടീം അനിയത്തിയുടെ ഫോട്ടോസ് അയക്കാൻ പറഞ്ഞപ്പോൾ അച്ഛന്റെ ഫോണിൽ കിടന്നഫോട്ടോസ് അയച്ചുകൊടുത്തു. അതിൽ ഞങ്ങളൊന്നിച്ചുള്ള ഫോട്ടോസുമുണ്ടായിരുന്നു. അതുകണ്ടിട്ടാണ് എന്നെ കബനിയാകാൻ ക്ഷണിക്കുന്നത്. അങ്ങനെ ഒട്ടും  പ്രതീക്ഷിക്കാത്ത സമയത്തായിരുന്നു തിരിച്ചു വരവ് സംഭവിച്ചതെന്ന് പറയാം. കബനിയ വിഷമിപ്പിച്ചാൽ തിരിച്ചു ചോദിക്കുന്ന കഥാപാത്രമാണ് അതിലെ പത്മിനി. ജീവിതത്തിലും ഞങ്ങൾ അങ്ങനെയാണ്. അവൾ തന്നെയാണ് എന്റെ ബെസ്റ്റ് ഫ്രണ്ടും. എപ്പോഴും കൂടെ നിൽക്കുന്ന ആള് മൂന്ന് വയസിന്റെ വ്യത്യാസമുണ്ടെങ്കിലും കൂട്ടുകാരെപോലെയാണ് ഞങ്ങൾ. എം ടെക്കിന് പഠിക്കുകയാണ് കക്ഷിയിപ്പോൾ. അനിയത്തിയെ വിട്ടിട്ട് ഇപ്പോൾ ഒറ്റയ്ക്ക് ചെയ്യുന്ന സീരിയലാണിത്. 

ലാലേട്ടന്റെ മക്കളാണ് ഞങ്ങൾ

 അഭിനയത്തെ കുറിച്ച് ഒന്നുമറിയാത്ത പ്രായത്തിലാണ് സിനിമയിലെത്തിയത്. "ശിവ'ത്തിൽ ബിജുമേനോന്റെ മകളായിട്ടാണ് അഭിനയിച്ച തുടക്കം കുറിച്ചത്. ഓഡിഷൻ ഒന്നും ഇല്ലാതെയാണ് അന്നെത്തിയത് എന്നതായിരുന്നു വലിയൊരു ഭാഗ്യം. അന്ന് അച്ഛനും അമ്മയുമായിരുന്നു അഭിനയം ഇഷ്ടപ്പെട്ടിരുന്നവർ. ആറ് സിനിമകളിൽ അഭിനയിച്ചു. പത്തിൽ പഠിക്കുമ്പോഴാണ് സീരിയലിൽ ആദ്യമായി അഭിനയിക്കുന്നത്, അമ്മത്തൊട്ടിൽ. അതുകഴിഞ്ഞ് പഠിത്തത്തിലായി മുഴുവൻ ശ്രദ്ധയും. ഇത് മൂന്നാമത്തെ സീരിയലാണ്. "കബനി'യിലൂടെയാണ് ടൈറ്റിൽ വേഷം ചെയ്തു തുടങ്ങിയത്. അനിയത്തിയും ഞാനും അതിലും ഒന്നിച്ചു.

ഇപ്പോഴും പലരും ചോദിക്കാറുണ്ട് ലാലേട്ടന്റെ മകളായിട്ട് അഭിനയിച്ച കുട്ടിയല്ലേയെന്ന്. ഇത്രയും വർഷം കഴിഞ്ഞിട്ടും അങ്ങനെ കേൾക്കുമ്പോൾ സന്തോഷമുണ്ട്. അതിന് വി .എം വിനുസാറിനോടാണ് നന്ദി പറയുന്നത്. അദ്ദേഹ ബാലേട്ടനിൽ അവസരം തരുന്നത്. അന്നത്തെ ആ മുഖം മാറിയിട്ടില്ല. ഉയരം വച്ചെന്ന് മാത്രമേയുള്ളുവെന്ന് പലരും പറയാറുണ്ട്. ഞാനും അനിയത്തിയും ഒന്നിച്ചായിരുന്നു അതിലും അഭിനയിച്ചത്.

 തിരിച്ചു വന്നപ്പോൾ കബനിയിലും അവൾക്കൊപ്പം അഭിനയിക്കാൻ പറ്റിയത് വലിയ ഭാഗ്യമായി. സാന്ത്വനത്തിൽ ഞങ്ങൾ ഒന്നിച്ചില്ലെങ്കിലും എന്റെ കൂടെകക്ഷിയും ഇപ്പോൾ തിരുവനന്തപുരത്തുണ്ട്. അതാണ് സമാധാനം. 

ശിവാഞ്ജലി ട്രെൻഡിംഗാണ് 

 ലൊക്കേഷൻ അടിപൊളിയാണ്. ആദ്യ ദിവസമാക്ക എനിക്ക് നല്ല ടെൻഷനായിരുന്നു. എനിക്ക് പരിചയമില്ലാത്ത ലൊക്കേഷനും വീട്ടിൽ നിന്നു മാറി നിൽക്കുന്നതിന്റെ വിഷമവുമൊക്കെയായി ആകെയൊരു അവസ്ഥയായിരുന്നു. പക്ഷേ, ലൊക്കേഷനിൽ എല്ലാവരും ചേർന്ന് അത മാറ്റിയെടുത്തു. അച്ഛനായിട്ട് അഭിനയിക്കുന്ന യതി അങ്കിളും അമ്മയായിട്ട് വരുന്ന ദിവ്യ ചേച്ചിയുമൊക്കെ നല്ലകെയറിംഗും സ്നേഹവുമാണ്. സംവിധായകൻ ആദിത്യൻ സാറിനെ കുറിച്ച് പറയാതിരിക്കാനാകില്ല. നമ്മൾ എത്രതെറ്റിച്ചാലും വഴക്ക് പറയില്ല. വളരെ കൂളാണ്. ആർട്ടിസ്റ്റ് ഒരിക്കലും ടെൻഷനാകാതിരിക്കാൻ അദ്ദേഹം ശ്രദ്ധിക്കും. അതുപോലെ, ചിപ്പി ചേച്ചിയും നല്ല കൂട്ടാണ്. നന്നായി ചെയ്യുമ്പോഴൊക്കെ വിളിച്ച് അഭിനന്ദിക്കാൻ ചേച്ചി മടിക്കില്ല. എല്ലാവർക്കും ഇഷ്ടമാണ് ഗോപികയുടെ പെർഫോമൻസ് എന്ന് പറഞ്ഞു രഞ്ജിത്തസാർ ഒരിക്കൽ മെസേജിട്ടു. അവാർഡിട്ടിയതു പോലെയായിരുന്നു ആ വാക്കുകൾ. ഞാൻ നന്നായി ചെയ്യുന്നുണ്ടെങ്കിൽ അതിന്റെ ക്രെഡിറ്റ് എനിക്ക് മാത്രമുള്ളതല്ല. ഫുൾ ക്രൂവിനാണ്. കാമറയ്ക്ക് മുന്നിലും പിന്നിലും നിൽക്കുന്ന ഓരോരുത്തരോടും അതിന്റെ കടപ്പെട്ടിരിക്കുന്നു.

ചിപ്പി ചേച്ചിയായാലും രഞ്ജിത്ത് സാറായാലും നമ്മൾ ഹാപ്പിയല്ലേയെന്ന് എപ്പോഴും ഉറപ്പു വരുത്തും. നമ്മൾ കoഫർട്ട് ആയില്ലെങ്കിൽ നമ്മുടെ നൂറ് ശതമാനം കൊടുക്കാനാവില്ലല്ലോ. അതുകൊണ്ട് തന്നെ ആ വൈബ് എപ്പോഴും നമുക്കിടയിൽ നിലനിറുത്താൻ അവർ ശ്രദ്ധിക്കാറുണ്ട്. ലൊക്കേഷൻ മൊത്തം ഫാമിലി ഫീലാണ്. എല്ലാവരോടും അടുപ്പമാണ്. രാജീവേട്ടൻ ശരിക്കും എനിക്ക് ചേട്ടനെ പോലെയാണ്. ഷൂട്ട് കഴിഞ്ഞ് മടങ്ങിയെത്തിയാൽ ഒന്നിച്ചിരുന്ന് ഭക്ഷണം കഴിക്കുന്നതാണ് ഞങ്ങളുടെയെല്ലാവരുടെയും രീതി.

"ശിവാഞ്ജലി' ജോഡി ഇപ്പോൾ യുട്യബിൽ ട്രെൻഡിംഗാണ്. ആദ്യ സീൻ ചെയ്യുന്നതുമുതൽ പ്രേക്ഷകർ നല്ല സപ്പോർട്ട് തന്നിരുന്നു. കല്യാണത്തിന് മുന്നേ അഞ്ചോ ആറോ സീനിലേ ഞാനും ശിവനായി എത്തുന്ന സജിൻ ചേട്ടനും ഒന്നിച്ചു വന്നിട്ടുള്ളൂ. ഇപ്പോൾ ഞങ്ങൾക്കിടയിലെ അടിയാണ് കാണിക്കുന്നത്. എന്നിട്ടും പ്രേക്ഷകർക്ക് ജോഡി വലിയ ഇഷ്ടമാണ്.

കോഴിക്കോടാണ് വീട്. അച്ഛൻ അനിൽകുമാർ ബാങ്ക് ഉദ്യോഗസ്ഥനാണ്. അമ്മ ബീന വീട്ടമ്മയാണ്. അനിയത്തി കീർത്തനയും അഭിനേത്രിയാണ്


Tuesday, 22 June 2021

സീരിയൽ നടി ഗായത്രി അരുൺ വിശേഷങ്ങൾ - Malayalam TV serial actress Gayathri Arun

 ഒരു സൂപ്പർഹിറ്റ് സിനിമയിലെ നായികയുടെ തിളക്കമുണ്ടായിരുന്നു പരസ്പരം എന്ന സീരിയലിലെ നായിക ദീപ്തി ഐ.പി.എസിന്. സീരിയൽ ഇഷ്ടപ്പെടാത്തവരുടെ മനസിൽ പോലും പെട്ടെന്ന് ഇടം നേടിയെടുക്കാൻ ദീപ്തിക്ക് കഴിഞ്ഞു. എല്ലാവർക്കും പ്രിയപ്പെട്ട ദീപ്തിയെ മനോഹരമാക്കിയത് ഗായത്രി അരുണാണ്. അഞ്ചുവർഷം നീണ്ട സീരിയൽ ഷൂട്ടിംഗിനിടയിലെ അനുഭവങ്ങളും ഓർമ്മകളും ഗായത്രി പങ്കുവയ്ക്കുന്നു. 

നീണ്ട അഞ്ചുവർഷം, ഒരേ കഥാപാത്രമായി വിരസമായി പോയേക്കാവുന്ന അനുഭവത്തെ എങ്ങനെയാണ് നേരിട്ടത്? 

   ഒരുപാട് വലിച്ചുനീട്ടി കഥപറയുന്ന രീതിയായിരുന്നില്ല. പരസ്പരത്തിന്റേത്. തുടക്കത്തിലുണ്ടായിരുന്ന ദീപ്തിയല്ല അവസാനം വരെയുള്ളത്. സാഹചര്യങ്ങൾ മാറുന്നതിന്റെ അതനുസരിച്ച് കഥാപാത്രവും മാറുന്നു. ദീപ്തിക്ക് ഒരുപാട് മാറ്റം വന്നിട്ടുണ്ട്. എന്നാൽ ഗായത്രിക്ക് ഒരു മാറ്റവുമില്ല. അഞ്ച് വയസ് കൂടി എന്നതൊഴിച്ചാൽ എനിക്ക് ഒരു മാറ്റവും തോന്നുന്നില്ല. അവൾ എല്ലാവർക്കും പ്രിയപ്പെട്ടവളായിരുന്നു. ആളുകളുടെ സ്നേഹവും ബഹുമാനവും എല്ലായിടത്തു നിന്നും കിട്ടിയിട്ടുണ്ട്. 

ദീപ്തിയും ഗായത്രിയും എത്രത്തോളം അടുത്ത് നിൽക്കുന്നു? 

 കുറച്ചധികം കാര്യങ്ങളിൽ രണ്ടുപേരും തമ്മിൽ സാമ്യമുണ്ട്. ദീപ്തിയായി മാറാൻ പ്രത്യേകിച്ച് തയ്യാറെടുപ്പുകൾ ഒന്നും തന്നെ വേണ്ടിവന്നില്ല. കാരണം ഒരു വീട്ടമ്മയായി നിൽക്കുമ്പോൾ ദീപ്തി ഒരു സാധാരണ വീട്ടമ്മയും ഒരു പൊലീസ് ഓഫീസർ ആയിരിക്കുമ്പോൾ നൂറുശതമാനം ആ ജോലിയോടും നീതി പുലർത്തുന്നു. ഐ.പി.എസ് ട്രെയിനിംഗ് കാലഘട്ടം അവതരിപ്പിക്കുമ്പോഴായിരുന്നു കുറച്ച് തയ്യാറെടുപ്പുകൾ വേണ്ടി വന്നത്. കാരണം ആ കാലഘട്ടം കഴിഞ്ഞുവരുന്ന ദീപ്തി പഴയതുപോലെയല്ല. വളരെ ബോൾഡായ പവർഫുളായ ഒരു ഐ.പി.എസ് ഓഫീസറാണ്. യൂണിഫോം ധരിക്കുമ്പോൾ ആ പവർ അനുഭവപ്പെടണം. ആദ്യം അതിനൊരു ആത്മവിശ്വാസക്കുറവ് ഉണ്ടായിരുന്നു. അതിന് കുറച്ച് തയ്യാറെടുപ്പുകൾ വേണ്ടിവന്നു. ആ ഒരുഭാഗം ഒഴിച്ചനിറുത്തിയാൽ ഏകദേശം ദീപ്തിയെപോലെ അത്യാവശ്യം കാര്യങ്ങളിൽ പ്രതികരിക്കുന്ന ആളാണ്. കരിയറിനും ഫാമിലിക്കും ഒരുപോലെ പ്രാധാന്യം നൽകുന്ന വ്യക്തിയാണ്. കരിയറിൽ ഏറ്റവും കൂടുതൽ പിന്തുണ നൽകുന്നത് കുടുംബമാണ്. 

ദീപ്തിയിൽ നിന്ന് വിട്ടുപോരാൻ ഒരു വിഷമം തോന്നിയോ? 

 ആദ്യമൊന്നും ദീപ്തിയിൽ നിന്നും വിട്ടുപോരാൻ വിഷമമില്ലായിരുന്നു. പരമ്പര അവസാനിക്കാൻ പോകുന്നുവെന്നത് ബാധിച്ചതേയില്ല. മനകൊണ്ട് ആ ടീമിലെ എല്ലാവരും അത് അവസാനിപ്പിക്കാൻ തയ്യാറെടുത്തിരുന്നു. എന്നാൽ ഇടയ്ക്ക് ഞാൻ  കാരണമാണ് പരസ്പരം അവസാനിപ്പിച്ചതെന്നൊരു വാർത്ത വന്നിരുന്നു. എന്നാൽ അതല്ല, പരസ്പരം ടീമിലെ എല്ലാവരും അത് ആഗ്രഹിച്ചിരുന്നു. സീനിയറായ ആർട്ടിസ്റ്റുകളിൽ പലരും പിന്മാറുന്നു എന്ന് പറഞ്ഞിരുന്നു. നീണ്ടുപോകുന്ന പരസ്പരത്തിന്റെ ഷെഡ്യൂളുകൾ കാരണം അവർക്ക് മറ്റു പ്രോജക്ടുകൾ നഷ്ടമാകുന്നു എന്നതായിരുന്നു കാരണം. ഏകദേശം ആറുമാസം മുമ്പുതന്നെ "പരസ്പരം' അവസാനിപ്പിക്കാം എന്ന തീരുമാനത്തിലെത്തിയിരുന്നു. അതിനുള്ള തയ്യാറെടുപ്പുകളും നടത്തിയിരുന്നു. പക്ഷേ അവസാന എപ്പിസോഡ് എത്തിയപ്പോഴേക്കും ദീപ്തിയെ വിട്ടുപോരാൻ വിഷമമായി തുടങ്ങി. ഇനി ആ കഥാപാത്രമില്ല എന്ന് ആലോചിക്കുമ്പോൾ ഒരു വിഷമം. ആ യൂണിഫോമിനോടും ആ കഥാപാത്രത്തോടും അത്രയ്ക്കും ഇഷ്ടമായിരുന്നു. പലരും കാണുമ്പോൾ ദീപ്തി എന്നായിരുന്നു വിളിച്ചിരുന്നത്. ഇപ്പോൾ കൂട്ടത്തിലുള്ള ആരോ മരിച്ചുപോയ ഒരു വിഷമമാണന് അത് എങ്ങനെ പ്രകടിപ്പിക്കണം പറയണം എന്ന് അറിയില്ല. 

യഥാർത്ഥ ജീവിതത്തിൽ ദീപ്തിമാരെ കണ്ടിട്ടുണ്ടോ?

  ദീപ്തിയെപ്പോലെ നന്നായി ബുദ്ധിമുട്ടി പിടിച്ചു കയറിയവരെ പിന്നീട് ഒരു പാട് കണ്ടിട്ടുണ്ട്. ആദ്യ കാലങ്ങളിൽ അവരുടെ അനുഭവങ്ങളാണ് ദീപ്തിയുടേതും എന്ന് പറഞ്ഞ് കത്തുകൾ വരാറുണ്ടായിരുന്നു. ഇപ്പോഴും മെയിൽ അയക്കുന്നവരുണ്ട്. ഒരു പക്ഷേ അവരെല്ലാം ദീപ്തിയിൽ അവരെ തന്നെ കാണുന്നുണ്ടാകും. ഐ.പി.എസിലെ മിടുക്കരായ ശ്രീലേഖ, അജിതാ ബീഗം, നിശാന്തിനി തുടങ്ങിയവരെ കാണാൻ കഴിഞ്ഞു. അവർ ചെയ്യുന്ന ജോലിയുടെ റിസ്കം അർപ്പണവും മനസിലാക്കാൻ സാധിച്ചു. അവരോടുള്ള ബഹുമാനം ഇപ്പോൾ കൂടിയിട്ടേയുള്ളൂ.

അഞ്ചുവർഷം നീണ്ടുനിന്ന പരമ്പരയുടെ അവസാനം കുറച്ച് അവിശ്വസനീ യത തോന്നിയില്ലേ?

  ആദ്യം കേട്ടപ്പോൾ എല്ലാവർക്കും ചിരിക്കാനുള്ള ഒരു വിഷയമായിരുന്നു പരസ്പരത്തിന്റെ ക്ലൈമാക്സ്. ശരിക്കും ഒരു ഹിന്ദി സീരിയലിന്റെ റീമേക്ക് ആണ് പരസ്പരം. ഒരുപക്ഷേ അതിൽ ചിത്രീകരിച്ചതിനേക്കാൾ മികച്ചതായിരുന്നു മലയാളത്തിലെ ചിത്രീകരണം. ഗ്രാഫിക്സസും കാര്യങ്ങളുമൊക്കെ മികച്ചതാക്കാൻ പരസ്പരത്തിന്റെ അണിയറ പ്രവർത്തകർ ഒരുപാട് പരിശ്രമിച്ചു. ഷൂട്ടിംഗ് പോലും മനസില്ലാമനസോടെയാണ് നടന്നത്. എന്നാൽ അതിനുശേഷം സംഭവിച്ച കാര്യങ്ങളൊക്കെ എല്ലാവരെയും അത്ഭുതപ്പെടുത്തി. രണം നെഗറ്റീവ് പബ്ലിസിറ്റി ആണെങ്കിൽ കൂടി ഈ ക്ലൈമാക്സിന് കിട്ടിയ സ്വീകാര്യത എല്ലാവരേയും അത്ഭുതപ്പെടുത്തി. മലയാളത്തിൽ ഒരുപാട് പരമ്പരകൾ ഉണ്ടായിട്ടും ഈ ക്ലൈമാക്സിന്റെ വ്യത്യസ്തതയാണ് ഈ സീരിയലിനെ വേറിട്ട് നിറുത്തുന്നത്. കൂടുതൽ ആൾക്കാർ കണ്ടതുകൊണ്ടും ശ്രദ്ധിച്ചതുകൊണ്ടുമാണല്ലോ ഇത്രയും ട്രോളുകൾ ഇറങ്ങിയത്. 

ട്രോളുകൾ എങ്ങനെയാണ്? ആസ്വദി ക്കുന്നുണ്ടോ?

 തീർച്ചയായും ആസ്വദിക്കാറുണ്ട്. ഒരുശതമാനം പോലും ട്രോളുകൾ എന്നെ വിഷമിപ്പിക്കാറില്ല എന്നാലും ആ ട്രോളുകൾ കണ്ട് ആശ്വസിപ്പിച്ചു കൊണ്ട് ഒരു പാട് മെസേജുകൾ വരാറുണ്ട്. ട്രോളുകൾ ഒരിക്കലും ഗായത്രി എന്ന വ്യക്തിയെ ലക്ഷ്യമാക്കിയല്ല. അത് ദീപ്തി എന്ന കഥാപാത്രത്തെ മാത്രം ലക്ഷ്യമാക്കിയുള്ളതാണ്. കൂടുതൽ ആളുകൾ ശ്രദ്ധിക്കുന്നതുകൊണ്ടാണത്രേ ട്രോൾ ഇറങ്ങുന്നത്. ഒരുപക്ഷേ മലയാളത്തിൽ ഏറ്റവും കൂടുതൽ ട്രോളുകൾ ഇറങ്ങിയ പരമ്പര പരസ്പരമായിരിക്കാം. സിനിമയും രാഷ്ട്രീയവുമൊക്കെ ട്രോളുകൾക്ക് അടിസ്ഥാനമായിട്ടുണ്ട്, എന്നാൽ ഒരു പരമ്പര ആദ്യമായിട്ടായിരിക്കാം. 

അഭിനേത്രിക്ക് അപ്പുറം ഒരു നല്ല അവതാരിക കൂടിയാണ്? 

 ആങ്കറിംഗും വളരെ ഇഷ്ടപ്പെട്ട ഒരു മേഖലയാണ്. ഈ ഒരു രംഗത്തേക്ക് എത്തിയത് ആങ്കറിംഗിലൂടെയാണ്. അത് പലർക്കും അറിയാത്ത ഒരു കാര്യമാണ്. കോളേജ് കാലം മുതൽ ആങ്കറിംഗ് ചെയ്യുന്നുണ്ട്. ഒരുപാട് ചാനലുകൾക്ക് വേണ്ടി ആങ്കറിംഗ് ചെയ്തിട്ടുണ്ട്. ആങ്കറിംഗിൽ നിന്ന് ഒരു വലിയ ബ്രേക്ക് എടുത്തശേഷമാണ് ദീപ്തിയായി വന്നത്

ഗായത്രി എന്ന വ്യക്തി എങ്ങനെയാണ്?

ഇങ്ങനെയൊക്കെ തന്നെയാണ്, മാറ്റങ്ങളൊന്നും വന്നിട്ടില്ല. എന്റെ ഏറ്റവും വലിയ ശക്തി കുടുംബം തന്നെയാണ്. ഏറ്റവും പ്രധാനം എന്റെ കുടുംബം തന്നെയാണ് അത് കഴിഞ്ഞ കരിയർ വരുന്നുള്ളൂ. 

ജീവിതത്തെക്കുറിച്ച് ഗായത്രിയുടെ കാഴ്ചപ്പാട്?

എനിക്കങ്ങനെ പ്രത്യേകിച്ച് വലിയ പ്ലാനിംഗ് ഒന്നുമില്ല. ജീവിതത്തിൽ ആരെയും ദ്രോഹിക്കാതെ മറ്റുള്ളവരുടെ നാശം ആഗ്രഹിക്കാതെ മുന്നോട്ട് പോകണം എന്ന് ആഗ്രഹിക്കുന്നവരാണ് ഞാനും എന്റെ ഭർത്താവും. ചെയ്യുന്ന കാര്യങ്ങളോട് നീതി പുലർത്തുക, നല്ല തീരുമാനങ്ങളെടുക്കുക ഇതൊക്കെ തന്നെയാണ് ജീവിതം. അപ്പോൾ ജീവിതത്തിൽ പോസിറ്റീവ് ഫലങ്ങളും ഉണ്ടാകും. മറ്റൊരാളുമായി താരതമ്യം ചെയ്യാതിരിക്കുക അപ്പോൾതന്നെ നമ്മൾ ഒരുപാട് ഹാപ്പിയായിരിക്കും.

parasparam serial actress gayathri arun photos

Sunday, 20 June 2021

സീരിയൽ നടി ഷഫ്‌നയുടെ വിശേഷങ്ങൾ Malayalam TV serial actress Shafna Sajin

സുന്ദരം ഈ തിരിച്ചുവരവ് 

ബിഗ് സ്ക്രീനിൽ നിന്ന് മിനി സ്ക്രീനിലേക്ക് എത്തുമ്പോൾ ഷഫ്നയുടെ മനസിൽ ഒരായിരം ആശങ്കകളുണ്ടായിരുന്നു. കിട്ടുന്നത്  നല്ലൊരു റോൾ ആണെങ്കിൽ കൂടിയും അഭിനയഭാവി എന്താകുമെന്ന് പലവട്ടം പലരും ഷഫ്‌നയോട് തന്നെ ചോദിച്ചിട്ടുണ്ട്. പക്ഷേ, അതൊന്നും വകവയ്ക്കാതെ പ്രേക്ഷകരുടെ സുന്ദരിയാകാൻ തന്നെയായിരുന്നു തീരുമാനം. ഇന്നിപ്പോൾ ആ തീരുമാനം തെറ്റിയിട്ടില്ലെന്ന് ഷഫ്നയ്ക്കും ഉറപ്പായി. വെള്ളിത്തിരയിലേക്ക് ബാലതാരമായി എത്തിയ ഷഫ്‌ന വിവാഹം കഴിഞ്ഞതോടെ പിന്നെ അധികം സിനിമയിലേക്ക് എത്തിയില്ല. പക്ഷേ, സിനിമ നൽകിയതിനനേക്കാളം വലിയ അംഗീകാരമാണിപ്പോൾ സീരിയലിലൂടെ കിട്ടുന്നത്. ബാക്കി വിശേഷങ്ങൾ ഷഫ്ന തന്നെ പറയട്ടെ. 

 സുന്ദരിയിലേക്കുള്ള അവസരം തികച്ചും അപ്രതീക്ഷിതമായിട്ടായിരുന്നു എന്നെ തേടിയെത്തിയത്. വിവാഹം കഴിഞ്ഞ് സത്യത്തിൽ ഞാൻ ഒരു വർഷത്തോളം വെറുതെയിരിക്കുകയായിരുന്നു.ആദ്യം കോൾ വന്നപ്പോൾ എന്തു കൊണ്ടോ ചെയ്യാൻ താത്പര്യം തോന്നിയിരുന്നില്ല. പിന്നീട് വീണ്ടും ഗാഥ എന്റെ അടുക്കലേക്ക് തന്നെ വന്നപ്പോൾ തട്ടി കളഞ്ഞില്ല. സിനിമയിൽ നിന്നും സീരിയലിൽ വരുമ്പോഴുണ്ടാകുന്ന ടെൻഷൻ ആദ്യം ഉണ്ടായിരുന്നു. പക്ഷേ, റേറ്റിംഗിൽ മുന്നേറിയപ്പോൾ ആ ടെൻഷൻ മാറി. ഇതിലേക്ക് ക്ഷണിക്കുമ്പോഴേ അണിയറ പ്രവർത്തകർ എന്നോട് പറഞ്ഞാരു കാര്യം ഇതാണ് ഹീറോന്നുമില്ല. മെയിൻ റോൾ തന്നെയാണ് ഷഫയ്ക്ക്. കരിയറിൽ എന്തു കൊണ്ടും ഒരു ബ്രേക്കാകും എന്നും. അതിപ്പോ യാഥാർത്ഥ്യമായിരിക്കുകയാണ്. എന്റെ കഥാപാത്രത്തിലൂടെ തന്നെയാണ് കഥ മുഴുവൻ മുന്നോട്ട് പോകുന്നത്. മാത്രവുമല്ല ഇപ്പോൾ ഡബിൾ റോളാണ് താനും. 

ഈ തിരിച്ച് വരവ് അനിവാര്യം 

വിവാഹം കഴിഞ്ഞ് ഒരു വർഷം ഒന്നും ചെയ്യാതെ മടി പിടിച്ചിരുന്നിട്ടുണ്ട്. അതിനിടയിൽ അഭിനയം നിർത്തിയെന്നൊക്കെ വാർത്തകൾ വന്നിരുന്നു. പലരും വിളിക്കാനും മടിച്ചു. സത്യം അതാണ്. പക്ഷേ, വീണ്ടും സീരിയലിൽ നിന്ന് തുടങ്ങാനായിരുന്നു യോഗം. സുന്ദരി എനിക്ക് ബ്രേക്ക് തന്നെയായിരുന്നു നൽകിയത്. അഭിനയ ജീവിതത്തിൽ വലിയൊരു പബ്ലിസിറ്റി ഗാഥയിലൂടെ കിട്ടി. ഇത്രയും ശ്രദ്ധ കിട്ടുന്ന വേഷമൊന്നും എനിക്ക് സിനിമയിൽ കിട്ടിയിട്ടുണ്ടായിരുന്നില്ല. അതിന്റെ സന്തോഷം തീർച്ചയായും ഉണ്ട്.

ഗാഥ എന്ന എന്റെ കഥാപാത്രം വളരെ സാധാരണക്കാരിയായ ഒരു പെൺകുട്ടിയാണ്. കുടുംബം നോക്കുന്നതിൻവേണ്ടി പാതി വഴിയിൽ പഠനം വരെ ഉപേക്ഷിക്കേണ്ടി വന്നു. അച്ഛന് അപകടം പറ്റുന്നതോടെ അച്ഛൻ ചെയ്തിരുന്ന കണ്ടക്ടർ ഡ്യൂട്ടി ഏറ്റെടുക്കേണ്ടി വരുന്നു. പിന്നീട് അമ്മ മരിക്കുന്നു. അതു കഴിഞ്ഞ് കുറേ ജോലികൾ ചെയ്തിട്ടുണ്ട്. പെട്രോൾ പമ്പിലും തട്ടകടയിലും ഒക്കെ നിന്നിട്ടുണ്ട്. എല്ലാം കുടുംബം നോക്കുന്നതിന് വേണ്ടി. സത്യത്തിൽ ഇതുവരെ പറഞ്ഞിരുന്ന കഥ മുഴുവൻ ഇപ്പോൾ മാറുകയാണ്.

ഗാഥയും ആനിയും നേർക്കുനേർ

 ഇനി ഡബിൾ റോളിലാണ് കഥ മുന്നോട്ട് പോകുന്നത്. ആനി എന്ന കഥാപാത്രം ഏറെ സസ്പെൻസ് നിറഞ്ഞ ഒന്നാണ്.ആനി ആരാണ്, എന്താണെന്നൊന്നും ആദ്യം എനിക്കും അറിയില്ലായിരുന്നു. കഴിഞ്ഞ ഷെഡ്യൂളിന് ചെല്ലുമ്പോഴാണ് ആനിയെപ്പറ്റി ഞാനറിയുന്നത്. രണ്ട് കഥാപാത്രങ്ങളും ഏറെ വ്യത്യസ്തമാണ്. ഒന്ന് വളരെ സോഫ്റ്റായിട്ടുള്ള ആളാണെങ്കിൽ മറ്റേയാൾ വളരെ ബോൾഡ് ആയിട്ടുള്ളതാണ്. എന്നെ സംബന്ധിച്ച് ഡബിൾ റോൾ ഭയങ്കര ചലഞ്ചിംഗാണ്. ഗാഥ വളരെ പാവവും അടക്കവുമുള്ള കുട്ടിയാണെങ്കിൽ ആനി കുറച്ച് മാഡേണും ബോൾഡുമായിട്ടാള കഥാപാത്രമാണ്. ആനിയെ ചെയ്യുമ്പോൾ പലപ്പോഴും ഗാഥയുടെ മാനറിസങ്ങൾ കയറി വരും. അപ്പോഴൊക്കെ പ്രൊഡ്യൂസർ പറയും നീ ഗാഥയെ വിട്.. ഇത് ആനിയാണ് എന്നൊക്കെ. പക്ഷേ, ഇത്രയും നാളും ചെയ്ത ഗാഥയുടെ മാനറിസങ്ങൾ പെട്ടെന്നൊന്നും മാറില്ലല്ലോ. ആനിയായി കുറച്ച് സമയം നിന്നാലും കാമറയ്ക്ക് മുന്നിൽ ചിലപ്പോഴൊക്കെ ഞാൻ ഗാഥ ആകും. പിന്നെ, വീണ്ടും കുറച്ച് ഗ്യാപ് എടുത്ത ശേഷമാകും ആനിയായി തുടരുക. എല്ലാവരുടേയും സപ്പോർട്ട് കിട്ടുന്നതുകൊണ്ട് കുഴപ്പമില്ലാതെ കൊണ്ട് പോകാൻ കഴിയുന്നു.

സ്നേഹം എന്നും വേണം 

പ്രേക്ഷകർക്ക് ഞാൻ ഷഫ്നയല്ല, ഗാഥയാണ്. പുറത്തിറങ്ങുമ്പോൾ അത് ശരിക്കും മനസിലാകും. പലരും പറയാറുണ്ട് ദേ ഗാഥ പോകുന്നു. ഒരു സെൽഫി എടുത്തോട്ടെ എന്നൊക്കെ ചോദിക്കും. ചിലർ വന്ന് പരിചയപ്പെടാറുമുണ്ട്. ആനി വന്നതോടെ വാട്സ് ആപ്പിലൊക്കെ സുഹൃത്തുക്കൾ എനിക്ക് മെസേജ് ഇട്ടിരുന്നു. നന്നാകുന്നുണ്ടെന്ന്. അഭിപ്രായങ്ങളൊക്കെ പറയുമ്പോൾ നല്ല സന്തോഷം തോന്നാറുണ്ട്. രണ്ട് കഥാ പാത്രങ്ങളേയും മികച്ചതാക്കാൻ ഈ പ്രതികരണത്തിലൂടെ സാധിക്കും. പക്ഷേ, എല്ലാവരുടേയും ഇഷ്ടകഥാപാത്രം ഗാഥയാണെന്നാണ് എനിക്ക് തോന്നുന്നത്. ഇനിയും ഈ സ്നേഹം എന്നോടു കാട്ടണമെന്നാണ് പ്രേക്ഷകരോട് പറയാനുള്ളത്. ഇതിനിടയിൽ ഒരുപാട് ഓഫറുകളൊക്കെ വരുന്നുണ്ടെങ്കിലും ഒന്നും കമ്മിറ്റ് ചെയ്തിട്ടില്ല. ഡബിൾ റോൾ കൂടിയായതോടെ കൂടുതൽ തിരക്കിലായി. ഇനിയെന്തായാലും ഇത് കഴിഞ്ഞിട്ടേയുള്ള അടുത്ത പ്രോജക്ട്. നല്ലൊരെണ്ണം ചെയ്യണമെന്നാണ് ആഗ്രഹം. അതോടൊപ്പം ജീവിതവും ആസ്വദിക്കണം. ഓടി നടന്നൊന്നും അഭിനയിക്കണമെന്ന് ആഗ്രഹമില്ല.

പ്രണയം ഞെട്ടിച്ചു. 

പ്രണയ വിവാഹം കഴിഞ്ഞിട്ട് രണ്ടുവർഷമായി. സജിൻ മെഡിക്കൽ റെപ്പാണ്.തൃശൂർ അന്തിക്കാടാണ് പുള്ളിക്കാരന്റെ സ്ഥലം. വളരെ സന്തോഷത്തോടെ ജീവിതം ആസ്വദിക്കുകയാണ് ഞങ്ങളിപ്പോൾ. 15 ദിവസത്തോളം ഞാൻ തിരുവനന്തപുരത്ത് ഷൂട്ടിന് വരാറുണ്ട്. ബാക്കി ദിവസങ്ങളൊക്കെ അന്തിക്കാടാണ്. നീണ്ടനാളത്തെ പ്രണയശേഷമായിരുന്നു ഞങ്ങൾ ഒന്നിച്ചത്. സത്യത്തിൽ വിവാഹശേഷമാണ് പ്രണയകാലം എന്നു പറയാം. ഇനിയെന്ത് എന്നൊന്നും ഞാൻ തീരുമാനിച്ചിട്ടില്ല. പണ്ടും ഭാവി പരിപാടികളെ കുറിച്ച് തീരുമാനിക്കുന്ന സ്വഭാവം എനിക്കില്ല. എല്ലാം വരുന്ന പോലെ വരട്ടെ. 

ശരിക്കും സുന്ദരി 

വിവാഹത്തിനു ശേഷം എല്ലാവരും പറയുന്നുണ്ട് രൂപത്തിൽ മാറ്റം വന്നുവെന്ന്. സത്യത്തിൽ രൂപത്തേക്കാൾ എന്റെ മനസിലാണ് മാറ്റങ്ങൾ ഉണ്ടായിട്ടുള്ളത്. പഴയതിനേക്കാൾ ബോൾഡാണ് ഞാനിപ്പോൾ. തൃശൂരിൽ നിന്നും തിരുവനന്തപുരത്തേക്കും ഷൂട്ടിംഗ് ലൊക്കേഷനിലേക്കു മൊക്കെ ഞാൻ തനിയെ തന്നെയാണ് പോകുന്നത്. മുമ്പായിരുന്നെങ്കിൽ അതിനൊക്കെ എനിക്ക് വീട്ടുകാരുടെ സപ്പോർട്ട് വേണമായിരുന്നു.സ്വഭാവത്തിലും കുറച്ച കൂടി പക്വത വന്നു. അതുപോലെ തന്നെ അഭിനേത്രി എന്ന നിലയിൽ കുറച്ച് കൂടി മെച്ചപ്പെടണമെന്ന് എനിക്ക് തന്നെ തോന്നി.അതിന്റെ ഭാഗമായിട്ടുള്ള മാറ്റങ്ങളിലാണിപ്പോൾ.

malayalam serial actress shafna personal details.tv serial actress shafna private photos, actress Shafna Nizam with her husband sajin family pics.actress Shafna Nizam cast and religion.Santhanam serial actor Sajin family

Friday, 8 January 2021

സീരിയൽ നടി സോനു സതീഷിന്റെ വിശേഷങ്ങൾ - Malayalam TV serial actress Sonu Satheesh Interview

 വേണിയെ അറിയാത്തവരുണ്ടാകില്ല. കുശുമ്പും ദേഷ്യവും ഒക്കെയായി നിറഞ്ഞു നിൽക്കുന്ന വേഷം. തിരക്കിട്ട ഷൂട്ടിംഗ് ഷെഡ്യൂളിലായിരുന്നു കണ്ടപ്പോൾ സോനു. അതിനിടയിൽ ചെറിയൊരു ഇടവേള കിട്ടിയ സമയത്ത് മനസു തുറക്കാൻ തയ്യാറായി. മൂന്നുവയസുമുതൽ നൃത്തം പഠിച്ച തുടങ്ങിയിരുന്നു. ഇപ്പോൾ അഭിനയത്തോടൊപ്പം തന്നെ നൃത്തപഠനത്തിന്റെയും തിരക്കിലാണ് താരം. ട്രിച്ചി യൂണിവേഴ്സിറ്റിയിൽ ഭരത നാട്യം പി.ജി പൂർത്തിയാക്കി. ഇപ്പോൾ ബാംഗ്ലരിൽ കുച്ചിപ്പുഡിയിൽ ഡോക്ടറേറ്റ് ചെയ്തുകൊണ്ടിരിക്കുകയാണ്.
അവതാരക പിന്നെ നടി
സ്കൂളിൽ പഠിച്ചിരുന്ന സമയത്തൊക്കെ കലാതിലകമായിട്ടുണ്ട്. പക്ഷേ, ഞാൻ സീരിയലിലേക്ക് കടന്നു വന്നത് ശരിക്കും കോമ്പയറിംഗിലൂടെയാണ്. അതിൽ നിന്നുമാണ് ഗുരുവായൂരപ്പൻ' എ ന്ന സീരിയലിലേക്ക് ക്ഷണം ലഭിക്കുന്നത്. തമിഴിലും ഒരു സീരിയൽ ചെയ്യാനുള്ള ഭാഗ്യം കിട്ടി. വിജയ് ടി. വിക്കു വേണ്ടിയായിരുന്നു. "അൻപേ വാ' എന്നായിരുന്നു സീരിയലിന്റെ പേര്. ഏകദേശം രണ്ട് വർഷത്തോളം അത് ടെലികാസ്റ്റ് ചെയ്തിരുന്നു. ചെന്നൈയിൽ വച്ചായിരുന്നു ഷൂട്ട്. തമിഴിൽ ഏറെ ജനശ്രദ്ധ നേടിയ സീരിയലായിരുന്നു അത്. മലയാളത്തിൽ "ഗുരുവായൂരപ്പൻ' എന്ന സീരിയലിലൂടെയായിരുന്നു തുടക്കം. അതിനുശേഷം തുലാഭാര'ത്തിൽ അഭിനയിച്ചു.
തമിഴിലും ഞാൻ ഹാപ്പി
 തമിഴിൽ അഭിനയിക്കാൻ പോയെങ്കിലും എനിക്ക് പ്രത്യേകിച്ച് ബുദ്ധിമുട്ടുകളൊന്നും നേരിടേണ്ടി വന്നില്ല. ഭാഷയും വലിയ പ്രശ്നമായിരുന്നില്ല. തമിഴൊക്കെ കേട്ടാൽ മനസിലാകും. അത്യാവശ്യം സംസാരിക്കാനും അറിയാം. തമിഴ് സിനിമകൾ കണ്ടാണ് ശരിക്കും തമിഴിനോട് ഇഷ്ടം തോന്നുന്നത്. അതുകൊണ്ട് തന്നെ അവസരം കിട്ടിയപ്പോൾ മറ്റൊന്നും ആലോചിക്കേണ്ടി വന്നില്ല, സമ്മതം അറിയിക്കുകയായിരുന്നു. ലൊക്കേഷനിലൊക്കെ എല്ലാവരും നല്ല സപ്പോർട്ടീവായിരുന്നു. എപ്പോഴും നല്ല സൗഹൃദാന്തരീക്ഷത്തിലായിരുന്നു ഷൂട്ട്. മലയാളികളോട് ഒരു പ്രത്യേക ബഹുമാനം അവർ കാട്ടിയിരുന്നു.
ഒരു സമയം ഒരു സീരിയൽ
 ഒരു സ്മയം ഒരെണ്ണം ചെയ്താൽ മതിയെന്നാണീരുമാ നം. ഡാൻസ് പഠനം കൂടി ഒരുമിച്ച് കൊണ്ടുപോകുന്നതിനാൽ അധികം തിരക്കുകളിലേക്ക് എത്താൻ പറ്റില്ല. അതിനിടയിൽ കുടുംബത്തിനും സുഹൃത്തുക്കൾക്കുമൊപ്പം ചെലവഴിക്കാൻ പ്രത്യേകം സമയം കണ്ടെത്താൻ ശ്രമിക്കാറുണ്ട്. ഓടി നടന്ന് അഭിനയിക്കണമെന്നൊന്നും എനിക്ക് ആഗ്രഹമില്ല. കിട്ടുന്ന റോൾ ഭംഗിയാക്കുക. എന്നു മാത്രമേയുള്ള. തിരക്കുകൾക്കിടയിൽ ജീവിതം ആസ്വദിക്കാൻ മറന്നുപോകാൻ പാടില്ലെന്നാണ് എന്റെ അഭിപ്രായം.
മനസിലാക്കുന്ന, കലയെ സ്നേഹിക്കുന്ന ഒരു പങ്കാളിയെയാണ് ഞാൻ ആഗ്രഹിക്കുന്നത്. വിവാഹത്തിലൂടെ കല അവസാനിപ്പിക്കാൻ ഞാൻ ആഗ്രഹിക്കുന്നില്ല. അങ്ങനൊരാൾ വരുമെന്ന് തന്നെ പ്രതീക്ഷിക്കുന്നു.എന്തായാലും അടുത്തവർഷത്തിലേ കാണൂ.
ഡിസൈനർ ഞാൻ തന്നെ
സ്ത്രീകളും പെൺകുട്ടികളും ഏറ്റവുമധികം ചർച്ച ചെയ്യുന്നത് വേണിയുടെ കോസ്റ്റമുകളും ആഭരണങ്ങളുമാണ്. ഞാൻ ഉപയോഗിക്കുന്ന അധികം വസ്ത്രങ്ങളും ഞാൻ തന്നെ ഡിസൈൻ ചെ യുന്നവയാണ്. എനിക്കിഷ്ടപ്പെടുന്നവ മാത്രമേ ഞാൻ ഉപയോഗിക്കാറുള്ളൂ. പിന്നെ, വേണിയുടെ കാരക്ടറിന് കൂടുതൽ ഇണങ്ങുന്നത് കടുത്ത വർണ്ണത്തിലുള്ള വസ്ത്രങ്ങളാണ്. അതുകൊണ്ട് തന്നെ വേണിയായി വേഷമിടുമ്പോൾ പ്രത്യേകമായി കോസ്റ്റ്യമിലും ഓർണമെന്റ്സിലുമൊക്കെ ശ്രദ്ധിക്കാറുണ്ട്. ഞാൻ ധരിക്കുന്ന വസ്ത്രങ്ങൾ കാണാനായിട്ട് ടി. വിയുടെ മുന്നിൽ ഇരിക്കാറുണ്ടെന്ന് കോളേജ് വിദ്യാർത്ഥിനികളൊക്കെ നേരിട്ട് പറഞ്ഞിട്ടുണ്ട്. അതു കേൾക്കുമ്പോൾ ശരിക്കും സന്തോഷം തോന്നും.
കുടുംബം
എന്റെ കുടുംബത്തിൽ എടുത്തു പറയാൻ കഴിയുന്ന തരത്തിലുള്ള കലാകാരന്മാർ ഒന്നും തന്നെയില്ല. ആ പാരമ്പര്യത്തിൽ നിന്ന് എനിക്ക് ഇത്രയെങ്കിലും ആകാൻ കഴിഞ്ഞത് വീട്ടുകാരുടെ പിന്തുണ കൊണ്ടാണ്. അച്ഛൻ കെ. സതീഷ് കുമാർ, മർച്ചന്റ് നേവിയിലാണ് ജോലി ചെയ്യുന്നത്. അമ്മ ഡോ. ശ്രീകല, അനിയൻ പ്ലസ് വൺ വിദ്യാർത്ഥിയായ സ്യയോഗ്. തിരുവനന്തപുരത്താണ് വീട്.

Friday, 27 November 2020

സീരിയൽ നടി സ്വാസികയുടെ വിശേഷങ്ങൾ - Malayalam TV serial actress swasika

കഴിഞ്ഞ കുറേ ദിവസങ്ങളായി സ്വാസികയെ തേടി കുറേ ഫോൺ കാളുകൾ വരുന്നു. “ദത്തുപുത്രി' എന്ന സീരിയലിലെ അഭിനയം കണ്ടശേഷമാണ് ഈ വിളിയെല്ലാം വരുന്നത്. മലയാളത്തിൽ കുറച്ച സിനിമകൾ ചെയ്തിട്ടും ശ്രദ്ധിക്കപ്പെട്ടില്ലല്ലോ എന്ന സങ്കടം സ്വാസിക അപ്പാടെ മായ്ച്ചു കളഞ്ഞത് ഈ സന്തോഷത്തിൽ കൂടിയാണ്. പ്രേക്ഷകരുടെ അംഗീകാരത്തിലൂടെ നല്ല കഥാപാത്രങ്ങൾ സിനിമയിലും കിട്ടുമെന്ന പ്രതീക്ഷയിലാണ്.
കൺഫ്യൂഷൻ ഉണ്ടായിരുന്നു

 പട്ടുസാരി, ചന്ദനമഴ, കറുത്തമുത്ത്, ഭാഗ്യദേവത തുടങ്ങിയ സീരിയലുകളിലേക്ക് വിളിച്ചിരുന്നു. ആ സമയത്ത് നല്ല കൺഫ്രഷനുണ്ടായിരുന്നു. തമിഴിലും മലയാളത്തിലുമായി കുറച്ച സിനിമകൾ ചെയ്യന്നുണ്ടായിരുന്നു. പെട്ടെന്നൊരു തീരുമാനം എടുക്കേണ്ട എന്നു കരുതി. വേണമെന്നു തോന്നിയ റോളുകളൊന്നും തന്നെ സിനിമയിൽ നിന്നും വരാത്ത സമയത്താണ് “ദത്തു പുത്രി' സീരിയലിൽ നിന്നും വിളി വന്നത്. മികച്ച ടീമിന്റെ സീരിയൽ കൂടിയായപ്പോൾ മറ്റൊന്നും തന്നെ ആലോചിച്ചില്ല. ഡബിൾ റോളാണ്, അഭിനയിക്കാനുള്ള സ്പേസുണ്ട് വെറുതേ വന്നുപോകുന്ന റോളുമല്ല. ഇതൊക്കെ ചിന്തിച്ചപ്പോൾ ഓഫർ കളയേണ്ട എന്നു തോന്നി. തമിഴിൽ നവംബറിൽ സിനിമ റിലീസ് ചെയ്തിട്ടണ്ട്. "പ്രഭുവിന്റെ മക്കൾ' എന്ന സിനിമയിൽ നല്ല വേഷമായിരുന്നു, ഓഫ്ബീറ്റ് സിനിമയായതിനാൽ അത്ര ശ്രദ്ധിക്കപ്പെട്ടില്ല. ഇപ്പോൾ പക്ഷേ കുറേപേർ കണ്ട്നല്ല അഭിപ്രായങ്ങൾ പറയുന്നുണ്ട്. "അറ്റ്ൺ സാ' അവസാനം റിലീസ് ചെയ്ത ചിത്രം. ബാബു ജനാർദ്ദനന്റെ ഒരു ചിത്രം കൂടി വരാനുണ്ട്.
റിയാലിറ്റി ഷോ
  "ബിഗ്ബ്രേക്ക് എന്ന റിയാലിറ്റി ഷോ വഴിയാണ് അഭിനയരംഗത്തേക്ക് എത്തിയത്. മൂന്നുവർഷം മുമ്പായിരുന്നു അത്. കുട്ടിക്കാലം മുതലേ അഭിനയത്തോടു വലിയ താത്പര്യമായിരുന്നു. മറ്റുള്ളവരെ അനുകരിക്കുക, പാട്ടും ഡാൻസുമായി നടക്കുക.. ഇതൊക്കെ കൊച്ചുനാളിലേ ഉണ്ട്. എട്ടാം ക്ലാസിൽ പഠിക്കുമ്പോൾ സിനിമയിൽ അഭിനയിക്കണമെന്ന രീതിയിലായി. പത്രത്തിൽ പരസ്യമൊക്കെ വരുമ്പോൾ പോയിട്ടുണ്ട്. കുറച്ചു മോഡലിംഗും ചെയ്തു. ഷോയുടെ പരസ്യം കണ്ടാണ് അപേക്ഷ നൽകിയത്. അങ്ങനെ അവർ വിളിച്ചു. ലാൽ ജോസ് സാറുണ്ടായിരുന്നു ജഡ്ജിമാരിൽ ഒരാളായി. പിന്നീട് സാറിന്റെ “അയാളും ഞാനും തമ്മിൽ' എന്ന സിനിമയിൽ നല്ലൊരു വേഷവും കിട്ടി..
സിനിമയിലേക്ക്
  തമിഴിൽ നിന്നായിരുന്നു ആദ്യം ഓഫർ വന്നത്. വൈഗൈ, ഗോപിപാളയം.മെതാനം എന്നിങ്ങനെ മൂന്നു ചിത്രങ്ങൾ തുടർച്ചയായി കിട്ടി. അതിലെ റോളുകളെല്ലാം ശ്രദ്ധിക്കപ്പെട്ടു. പിന്നെ മലയാളത്തിൽ കാറ്റ് പറഞ്ഞ കഥ, സിനിമാ കമ്പനി, ഒറീസ എന്നീ ചിത്രങ്ങൾ. തമി ഴിൽ നിന്ന് നല്ല ശ്രദ്ധ കിട്ടിയിട്ടുണ്ട്. മലയാളത്തെക്കാൾ വ്യത്യസ്തമായ വേഷങ്ങൾ കിട്ടിയതും അവിടെയാണ്. തെലുങ്കിലും ഒരു പടം ചെയ്തു. അന്യഭാഷകളെക്കാൾ ഇവിടെയെന്തെങ്കിലും ചെയ്യണമെന്നായിരുന്നു ആഗ്രഹം. സ്വപ്നം കണ്ട ഒരു ശ്രദ്ധ ലഭിച്ചില്ലെന്നതിൽ അൽപ്പം സങ്കടമുണ്ട്, പക്ഷേ, ഇപ്പോഴും പ്രതീക്ഷയുണ്ട്.
ഭാഗ്യത്തിന്റെ റോൾ
 സിനിമയിൽ ഉയർന്നുവരണമെങ്കിൽ പരിശ്രമത്തോടൊപ്പം നല്ല ഭാഗ്യവും വേണം. ഭാഗ്യത്തിന് പ്രധാന റോളുണ്ടെന്ന കാര്യം എന്റെ അനുഭവത്തിൽ നിന്നാണ് പറയുന്നത്. ചെറിയ വേഷത്തിലൂടെവന്ന് ഉയരങ്ങളിലെത്തുന്ന കുറേപേരുണ്ട്, അതേപോലെ ഒറ്റ ദിവസം കൊണ്ട് പ്രശസ്തിയിലേക്ക് ഉയരുന്നവരും. ഇവിടെയെല്ലാം പരിശ്രമത്തോടൊപ്പം ഭാഗ്യവും നന്നായി വേണം. എന്റെ കാര്യത്തിൽ ഇതുവരെ ആ ഭാഗ്യം തേടി വന്നില്ല. പക്ഷേ, അതൊരു ദിവസമുണ്ടാകുമെന്നു തന്നെ ഞാൻ വിശ്വസിക്കുന്നു. വളരെ പോസിറ്റീവായാണ് ഈ സാഹചര്യങ്ങളെയെല്ലാം വിലയിരുത്തുന്നത്. ഭാഗ്യം വരുന്നതിനും പോകുന്നതിനും പ്രത്യേക കാരണങ്ങളൊന്നുമില്ലല്ലോ.
കൈവന്ന ആത്മവിശ്വാസം
 അൽപ്പസ്വൽപ്പം നാണം കുണുങ്ങിയായ പെൺകുട്ടിയായിരുന്നു ഞാൻ. അഭിനയിക്കണമെന്ന് അതിയായി ആഗ്രഹിക്കുമ്പോഴും പെട്ടെന്നൊരു ദിവസം കാമറയുടെ മുന്നിലേക്ക് വരാനൊക്കെ എനിക്കു പേടിയായിരുന്നു. അതിനുള്ള ധൈര്യം തന്നത് ഷോയായിരുന്നു. എങ്ങനെ സംസാരിക്കണം, പെരുമാറണം ഇതൊക്കെ പറഞ്ഞു തന്നതഷോയായിരുന്നു. എന്റെ ആറ്റിറ്റ്യഡ് തന്നെ മാറ്റിയത് സിനിമയായിരുന്നു. സാധാരണ കുടുംബത്തിൽ വളർന്ന എന്നെ സംബന്ധിച്ചിടത്തോളം അത്ഭുതലോകം തന്നെയായിരുന്നു സിനിമ. ഇത്തിരി സമയമെടുത്തങ്കിലും വളരെ പെട്ടെന്നു തന്നെ അഭിനയത്തോടും സിനിമ എന്ന വലിയ ലോകത്തോടും ഇഴുകി ചേരാൻ എനിക്ക് സാധിച്ചു. ഞാൻ പോലും അതിശയപ്പെട്ടൊരുകാര്യമായിരുന്നുഈമാറ്റം. നേരത്തെ പറഞ്ഞതുപോലെ വളരെ പണ്ടസിനിമഉള്ളിലുണ്ടായിരുന്നെങ്കിലും അതൊരു ആഗ്രഹം മാത്രമായിരുന്നു. പക്ഷേ ഇപ്പോൾ അത്പാഷൻ തന്നെയാണ്. സിനിമയെക്കുറിച്ച് കൂടുതൽ പഠിക്കണം, മനസിലാക്കണം, എന്റെ പേര് പറ്റാവുന്ന രീതിയിൽ അടയാളപ്പെടുത്തണം എന്നൊക്കെയുണ്ട് മനസിൽ. നടക്കുമെന്ന് വിശ്വസിക്കുന്ന മോഹങ്ങളാണ് ഇതൊക്കെ. എന്നെ കൂടുതൽ ഇംപൂവ് ചെയ്യാനുള്ള പരിശ്രമമൊക്കെ ഒരുപാടുണ്ട് എന്റെ ഭാഗത്തുനിന്നും. സിനിമ എന്നെ പഠിപ്പിച്ച കാര്യങ്ങളാണ്.
 വീടുണ്ട് കൂടെ
 അമ്മയാണ് എനിക്ക് ഏറ്റവും കൂടുതൽ സപ്പോർട്ട്. അച്ഛൻ വിദേശത്തു ജോലി ചെയ്യുകയാണ്. അഭിനയമൊക്കെ കരിയറായി കൊണ്ടു പോകാൻ കഴിയുമോ എന്ന രീതിയിൽ അച്ഛന് ആശങ്കയുണ്ടായിരുന്നു. എന്റെ മനസിലാക്കിയതുകൊണ്ടാവാം ഇപ്പോൾ എന്റെ കൂടെ നിൽക്കുന്നുണ്ട്. ഇവർക്കൊപ്പം തന്നെ കുടുംബാംഗങ്ങളെല്ലാം എന്റെ കൂടെയുണ്ട്. അവരുടെ വീട്ടിലെ കുട്ടി എന്നതിനൊപ്പം തന്നെ നല്ലതായാലും ചീത്തയായാലും അഭിനയത്തെക്കുറിച്ചുള്ള എല്ലാ കമന്റ്സുകളും വരാറുണ്ട്.
കാത്തിരിക്കുന്ന വേഷങ്ങൾ
തുടക്കാരിയെന്ന നിലയിൽ മികച്ച വേഷങ്ങൾ മാത്രമേ ചെയ്യാൻ കഴിയൂ എന്ന് വാശിപിടിക്കാൻ കഴിയില്ല, അങ്ങനെ തീരുമാനിച്ചാലും കിട്ടുമെന്നും പറയാൻ കഴിയില്ല. ആദ്യമൊക്കെ നോക്കിയിരുന്നത് നല്ല സംവിധായകരാണോ എന്നായിരുന്നു. ഇനി വരുന്ന സിനിമകൾ കുറച്ചുകൂടി ശ്രദ്ധിച്ച് ചെയ്യണമെന്നാണ്. വെറുതേ ഒരു സീനിൽ വന്നിട്ട് കാര്യമില്ല. കുറച്ചു കൂടി സെലക്ടീവാകണം എന്നുണ്ട്. ഈ സീരിയൽ ചെയ്യാൻ കാരണം എന്നെ തന്നെ സന്തോഷിപ്പിച്ച വേഷം എന്ന നിലയിലാണ്. ഇത്രയും നാളത്തെ കാത്തിരിപ്പിനുള്ള ഫലം തന്നെയാണ് എന്ന് എനിക്കു തോന്നി.
 

Search This Blog