Thursday, 1 July 2021

തലമുടി സംരക്ഷണം എങ്ങനെ - Hair care Tips

തലമുടി സംരക്ഷണം എങ്ങനെ? 

തലമുടി ഭംഗിയായി നിലനിൽക്കുന്നതിന് പരിചരണം പല രീതിയിൽ ആവശ്യമാണ്.
ശ്രദ്ധിക്കേണ്ട കാര്യങ്ങൾ 
* ആഴ്ചയിൽ ഒന്നോ രണ്ടോ ദിവസമെങ്കിലും തലമുടിയിൽ എണ്ണ തേച്ച് കുളിക്കുവാൻ ശ്രമിക്കുക.
* തലയോട്ടിയുടെ ഭാഗങ്ങളിൽ എണ്ണ മെഴുക്ക് അധികമായി തങ്ങിനിൽക്കാതെ സൂക്ഷിക്കുക.
* മൃദുവായ ടൗവ്വൽ കൊണ്ട് മുടി തുവർത്തുക നീളം കൂടിയ മുടിയുള്ളവർ ഉണങ്ങിയ ടൗവ്വൽ കൊണ്ട് പൊതിഞ്ഞ് നനവ് മാറ്റുക. 
* പ്രകൃതിദത്തമായ താളിയോ ഷാമ്പൂവോ മാത്രം ഉപയോഗിക്കുക.
* കയ്യൂന്നിയില, നെല്ലിക്ക ഇവ പച്ചയായി ചതച്ച് ഇരട്ടിമധുരവും തേങ്ങാപ്പാലും ചേർത്ത് എണ്ണ കാച്ചുക. അജനം പൊടി ചേർത്ത് കാച്ചിയ എണ്ണ തലമുടിയിൽ പുരട്ടി ചെമ്പരത്തിയില താളി ഉപയോഗിച്ച് തല കഴുകുന്നത് നല്ലതാണ്. 
* മുപ്പത് ഗ്രാം ചുമന്നുള്ളി ചതച്ച് അരലിറ്റർ വെളിച്ചെണ്ണയിലിട്ട് കാച്ചി തലയിൽ പുരട്ടിയ ശേഷം അരമണിക്കൂർ കഴിഞ്ഞ് കഞ്ഞിവെള്ളത്തിൽ തല കഴുകുന്നതും ഉത്തമമാണ്. 
* നീലിഭ്യംഗാദി തൈലം, കയ്യോന്നി തൈലം ഇവ മുടി കൊഴിയാതിരിക്കുവാൻ നിർദ്ദേശിക്കാറുണ്ട്. 
* ദിവസവും എട്ട് ഗ്ലാസ് വെള്ളമെങ്കിലും കുടിക്കുക. മുടി കൊഴിച്ചിലിനും നല്ല ചർമ്മത്തിനും ഇത് നല്ലതാണ്. 
* വിരൽ തുമ്പുകൊണ്ട് തലയോട്ടിയിൽ മസാജ് ചെയ്യുക. മുടി കൊഴിച്ചിൽ ഉണ്ടാകാതിരിക്കാൻ സഹായിക്കും.
* പോണിടെയിൽ പോലെ മുടി എപ്പോഴും വലിച്ചുകെട്ടി വയ്ക്കാതിരിക്കുക.
* ഗർഭനിരോധന ഗുളികകൾ കഴിക്കുന്നത് മുടി കൊഴിച്ചിലിന് കാരണമാകും. 
* മുടിയിൽ മാസത്തിൽ ഒരിക്കൽ കണ്ടീഷൻ ഇടുക(ഷാമ്പു ഉപയോഗിക്കുമ്പോൾ കണ്ടീഷണർ ഉപയോഗിച്ചിരിക്കണം). മുടിയിൽ മാത്രമേ കണ്ടീഷണർ ഉപയോഗിക്കാവൂ. തലയിൽ തേച്ച് പിടിപ്പിക്കരുത്.
* ഡ ഹെയർ ഉള്ളവർ മുടി മൃദുലമാകാൻ ഒലിവ് ഓയിലും രണ്ട് കോഴിമുട്ടയുടെ വെള്ളക്കരുവും ചേർത്ത് തലയോട്ടിയിൽ തേച്ച് പിടിപ്പിക്കുക (താരൻ ഉള്ളവർക്കും ഇത് ഗുണം ചെയ്യും ). മുക്കാൽ മണിക്കൂറിനുശേഷം ആന്റി ഡാൻഫ് ഷാമ്പു ഉപയോഗിച്ച് അത് കഴുകി കളയുക. 
* മുടി ഏത് വിഭാഗത്തിൽ പെട്ടതാണങ്കിലും തലയിൽ സോപ്പ് ഉപയോഗിക്കാതിരിക്കുക. 
* തലമുടിയിൽ ഷാമ്പു ഉപയോഗിക്കുമ്പോൾ പത കൂടുതൽ കിട്ടാൻ വേണ്ടി ഷാമ്പുവിന്റെ അളവ് കൂട്ടരുത്. ഇത് ദോഷകരമാണ്.
* മുടിയിൽ അൽപ്പം വെള്ളം നനച്ചതിനു ശേഷമേ ഷാമ്പു ഉപയോഗിക്കാവൂ. 
* കുളി കഴിഞ്ഞാലുടനെ തലമുടി ചീകരുത്. കെട്ടിവയ്ക്കുകയും ചെയ്യാതിരിക്കുക. 
* മുടിയിൽ ഡയർ ഉപയോഗിക്കുമ്പോൾ തലമുടിയിൽ നിന്ന് ഒരു ഇഞ്ച് അകലത്തിൽ വേണം അത് പിടിക്കാൻ.
* മുടി ഒരിക്കലും ചൂടുവെള്ളത്തിൽ കഴുകരുത്. 

No comments:

Post a Comment

Search This Blog