Sunday, 4 July 2021

പാദങ്ങൾ സംരക്ഷിക്കാൻ പെഡിക്യൂർ - Foot care beauty Tips

ആരോഗ്യത്തിന് അസ്ഥിവാരമായ പാദങ്ങൾ സംരക്ഷിക്കാൻ  പെഡിക്യൂർ

സ്ത്രീകൾ തങ്ങളുടെ സൗന്ദര്യസംരക്ഷണത്തിൽ എത്രമാത്രം ശ്രദ്ധാലുക്കളാണോ അതിലുപരി പാദങ്ങളുടെ ആരോഗ്യത്തിനും ശ്രദ്ധ ചെലുത്തേണ്ടത് അത്യന്താപേക്ഷിതമാണ്. കാരണം പാദങ്ങളാണ് ആരോഗ്യത്തിന്റെ അസ്ഥിവാരം. ഒരു സ്ത്രീ ഒരു ദിവസം ശരാശരി പതിനായിരം അടി നടക്കുന്നുണ്ടെന്നാണ് കണക്കാക്കപ്പെടുന്നത്. ശരീരത്തിലെ തലച്ചോറ്, ഹൃദയം,കരൾ, വൃക്ക എന്നീ പ്രധാന അവയവങ്ങൾ പോലെതന്നെ പ്രധാന പ്രവർത്തനം നടത്തുന്ന അവയവമാണ് പാദങ്ങൾ. എന്നാൽ അധികമാരും പാദ സംരക്ഷണത്തിന്റെ കാര്യത്തിൽ അത്രയൊന്നും ഗൗരവമായി ശ്രദ്ധ ചെലുത്താറില്ല എന്നതാണ് വാസ്തവം. പാദങ്ങളുടെ ആരോഗ്യം വെച്ചുതന്നെ ഒരാളുടെ പൂർണ്ണ ആരോഗ്യത്തേയും വിലയിരുത്താനാവും. ശരീരത്തിന്റെ വെവ്വേറെ ഭാഗങ്ങളിലായിട്ടുള്ള ഏഴായിരം ഞരമ്പുകൾ അവസാനിക്കുന്നത് പാദങ്ങളിലാണ്. പ്രത്യേകിച്ച് തള്ളവിരലിനടുത്തുള്ള വിരലിൽ അവസാനിക്കുന്ന ഞരമ്പുകൾ ഗർഭപാത്രത്തേയും ഹൃദയത്തേയും ബന്ധിക്കാൻ ശക്തിയുള്ളവയാണ്. സ്ത്രീകൾ ആ കാലിൽ മെട്ടി അണിയുമ്പോൾ രക്ത സമ്മർദ്ദം നിയന്ത്രണവിധേയമായി ഗർഭപാത്രം ബലപ്പെടുന്നു എന്നതിനാലാണ് "മെട്ടി' സ്ത്രീകൾക്ക് നിർബന്ധിത ആഭരണമായി പണ്ടുകാലത്തുള്ളവർ തീരുമാനിച്ചത്.
കഠിനമായ ജോലികൾ, അഴുക്കു വെള്ളത്തിൽ നിന്നുകൊണ്ടുള്ള തുണിയലക്കൽ, വൃത്തിയില്ലാത്ത സ്ഥലത്തുകൂടി ചെരിപ്പില്ലാതെയുള്ള നടത്തങ്ങൾ ഇങ്ങനെ പല കാരണങ്ങളാൽ പാദങ്ങൾ അനാരോഗ്യമായി തീർന്നവർക്ക് പാദങ്ങളെ സംരക്ഷിക്കാനുള്ള ലളിതമായ “കോസ്മെറ്റിക്ക്' ചികിത്സയാണ് പെഡിക്യൂർ. പാദങ്ങളിലെ അഴുക്ക്, വിള്ളൽ, പരുപരുപ്പ് എന്നിവ മാറ്റി നഖങ്ങൾക്ക് പുത്തനുണർവ് നൽകി, കാലിലെ ദശകൾക്ക് വിശ്രമമേകി, പട്ടുപോലുള്ള പാദങ്ങളുടെ ഉടമകളാവാൻ ഉതകുന്ന വീട്ടിൽ തന്നെ ചെയ്യാവുന്ന "പെഡിക്യൂർ @ ഹോം' താഴെ വിവരിക്കുന്നു.
ഒരു ബക്കറ്റിൽ ഇളംചൂടോടുകൂടിയ വെള്ളമൊഴിച്ച് അതിൽ രണ്ട് ടീസ്പൺ ബേക്കിങ്ങ് സോഡയും കുറച്ച് ഹാന്റ് വാഷോ അല്ലെങ്കിൽ ഷാമ്പുവോ ചേർത്ത് നല്ല പതവരുന്നവരെ ഇളക്കുക. എന്നിട്ട് കാലുകൾ അതിൽ മുക്കിവച്ച് പതിനഞ്ച് മിനിറ്റുനേരം റിലാക്സായി ഇരിക്കുക. ദശകൾ മൃദുവാകാനും, നഖങ്ങൾക്ക് തിളക്കം കിട്ടാനും, അഴുക്കുകൾ അകലാനും ഇത് സഹായകമാവുന്നു.
ഇനി പാദങ്ങൾ പുറത്തെടുത്ത് ഒരു കോട്ടൺ തുണികൊണ്ട് ആ വെള്ളം ഒപ്പിയെടുക്കുക. ഒലീവ് എണ്ണ ഒരു തുള്ളി വീതം ഓരോ നഖകണ്ണുകളുടെയും മീതെ ഒഴിക്കുക. ഇത് നഖങ്ങൾക്ക് പോഷകമേകുന്നതോടൊപ്പം എളുപ്പത്തിൽ “ഷേപ്പ്' ചെയ്യാൻ ഉതകും വിധം നഖങ്ങൾക്ക് മൃദുലതയുമേകുന്നു.
. അൽപ്പസമയം കഴിഞ്ഞ് ഇഷ്ടാനുസരണം നഖങ്ങൾ "ഷേപ്പ്' ചെയ്യാവുന്നതാണ്. നഖം ഊറിയിരിക്കുന്നതുകൊണ്ട് "കട്ട്' ചെയ്യാനും ട്രിമ്മറിൽ ഷേപ്പ്ചെയ്യാനും എളുപ്പമാവുന്നു. ശ്രദ്ധിക്കേണ്ട കാര്യം നഖം വളരെ ആഴത്തിൽ, മാംസഭാഗം വരെ വെട്ടരുത് എന്നതാണ്. നഖങ്ങൾ വെട്ടിയശേഷം ഒരു കോട്ടൺ തുണികൊണ്ട് ഒലീവ് ഓയിൽ തുടച്ചെടുക്കുക.
നഖങ്ങൾ വൃത്തിയാക്കി കഴിഞ്ഞാൽ ഇനി പാദങ്ങളിലേക്ക് കടക്കാം. സ്ക്രബ്ബറുകൊണ്ട് പാദങ്ങൾ അമർത്തി തേച്ച്, ബഷുകൊണ്ട് പാദങ്ങൾ, കാൽവിരലുകളുടെ ഇടുക്കുകൾ എന്നിവിടങ്ങളിലുള്ള അഴുക്കുകൾ അകറ്റി വെള്ളംകൊണ്ട് കഴുകുക.   പാദങ്ങളിലും വിരലിന്റെ ഇടുക്കുകളിലും തേയ്ക്കാനുള്ള സകബ്ബ് കടകളിൽ ലഭ്യമാണ്. 
പഞ്ചസാര, സീതപഴത്തിന്റെ കുരു എന്നിവ മിക്സിയിലിട്ട് പൊടിച്ച് ഹോംമെയ്ഡ് സകബ്ബറും ഉണ്ടാക്കാവുന്നതാണ് ഇത് പാദങ്ങളിൽ തടവി അൽപ്പനേരം കഴിഞ്ഞ് സബ്ബ് ചെയ്ത് കഴുകുക. എന്നിട്ട് കാലുകൾ നല്ല പോലെ തുടച്ച് മോയിസ്ചറൈസർ പുരട്ടുക.
ഇത് പതിവായി ചെയ്ത പോന്നാൽ കാലുകളിലെ വിള്ളൽ, നഖം അടർന്നുപോവുക എന്നീ പ്രശ്നങ്ങൾക്കെല്ലാം ശാശ്വതമായ പരിഹാരവും കിട്ടും. ഒപ്പം ആരോഗ്യമുള്ള പാദങ്ങളും.




No comments:

Post a Comment

Search This Blog