Thursday, 1 July 2021

മുഖകാന്തിക്ക് - Face care Beauty Tips

മുഖകാന്തിക്ക് 

പഴുത്ത പപ്പായ തേൻ ചേർത്ത് മുഖത്ത് പുരട്ടി ജലാംശം വലിഞ്ഞു കഴിഞ്ഞാൽ കഴുകി വൃത്തിയാക്കുക. മുഖകാന്തിക്ക് ഇത് വളരെ നല്ലതാണ്.
 കുങ്കുമപ്പൂവ്, റോസ് ഇതളുകൾ, ചെമ്പരത്തിപ്പൂവ് ഇവ ദിവസവും പാലിൽ ചേർത്ത് കഴിച്ചാൽ നല്ല നിറമുണ്ടാകും. 
 നല്ല പഴുത്ത ഏത്തപ്പഴം നന്നായി അരച്ച് മുഖത്ത് പുരട്ടി 10 -15 മിനിറ്റ് കഴിഞ്ഞ് കഴുകി കളയുക. ചുളിവുകൾ മാറികിട്ടും.
റോസ് വാട്ടറും ചന്ദനപ്പൊടിയും കുഴമ്പുപരുവത്തിലാക്കി മുഖത്ത് പുരട്ടി ജലാംശം വലിയുമ്പോൾ മുഖം കഴുകി വൃത്തിയാക്കുക. മുഖത്തിന് നല്ല നിറം ലഭിക്കും. 
മുഖക്കുരു മാറാൻ 
 തക്കാളി, ചെറുനാരങ്ങ, മുള്ളങ്കി എന്നിവയുടെ നീര് തുല്യമായി എടുത്ത് യോജിപ്പിച്ച് മുഖത്ത് പുരട്ടി ജലാംശം വലിഞ്ഞുകഴിഞ്ഞാൽ മുഖം കഴുകി വൃത്തിയാക്കുക.
പച്ചമഞ്ഞളും ആര്യവേപ്പിന്റെ ഇലയും നന്നായി അരച്ച് മുഖത്ത് പുരട്ടി ജലാംശം വലിഞ്ഞുകഴിഞ്ഞാൽ മുഖം കഴുകി വൃത്തിയാക്കുക. 
 തുളസിയില പിഴിഞ്ഞ് മുഖക്കുരു ഉള്ള ഭാഗങ്ങളിൽ പുരട്ടുക.
 ആര്യവേപ്പില നന്നായി അരച്ച് അതിൽ കാൽ ടീസ്പൂൺ കസ്തുരി മഞ്ഞൾപൊടിയും കാൽടീസ്പൂൺ ചെറുപയർ പൊടിയും നന്നായി യോജിപ്പിച്ച് മുഖത്ത് പുരട്ടി ജലാംശം വലിഞ്ഞുകഴിഞ്ഞാൽ മുഖം വൃത്തിയാക്കുക.
മുഖത്ത കറുത്തപാട്
മുഖത്ത കറുത്തപാട് മാറാൻ  മുള്ളങ്കി അധികം പുളിയില്ലാത്ത തൈര് ചേർത്ത് അരച്ച് മുഖത്ത് പുരട്ടുക. ജലാംശം വലിയുമ്പോൾ മുഖം കഴുകി വൃത്തിയാക്കുക.
 ഒരു ആപ്പിൾ തൊലി കളഞ്ഞ് ഉടച്ചതും, തേനും, മുട്ടയുടെ മഞ്ഞയും ചേർത്ത് കുഴമ്പുപരുവത്തിലാക്കി മുഖത്ത് പുരട്ടുക. ജലാംശം വലിയുമ്പോൾ മുഖം കഴുകി വൃത്തിയാക്കുക.
 മുൾട്ടാണി മിട്ടി ഒരു ടേബിൾസ്പൺ എടുത്ത് അതിൽ ഒരു ടേബിൾ സ്പൺ നാരങ്ങാനീരും ചേർത്ത് മുഖത്തും കഴുത്തിലും പുരട്ടുക. ആദ്യത്തെ ലെയർ ഉണങ്ങിതുടങ്ങുമ്പോൾ പാടുള്ള ഭാഗത്ത് അടുത്ത ലെയർ കൂടി പുരട്ടി ജലാംശം വലിഞ്ഞ് തുടങ്ങുമ്പോൾ മുഖം കഴുകി വൃത്തിയാക്കുക. 
 രക്തചന്ദനം വെള്ളരിക്കാനീരിൽ അരച്ച് പതിവായി മുഖത്ത് പുരട്ടുക. 
 1 വാഴപ്പഴം ഞെരടി മുഖത്ത് പുരട്ടിയ ശേഷം പത്തുമിനിറ്റ് കഴിഞ്ഞ് ചെറുചൂടുവെള്ളത്തിൽ കഴുകുക. ഇത് പതിവായി ചെയ്താൽ കറുത്ത പാടുകൾ മാറികിട്ടും. 
 കൺതടത്തിൽ കറുത്ത വലയങ്ങൾ മാറാൻ ഒരു ബദാംപരിപ്പ് ഒരു ടീസ്പൂൺ പാലിൽ വൃത്തിയുള്ള കല്ലിൽ ഉരച്ചെടുക്കുക. അൽപ്പം ചെറുതേൻ കൂടി ചേർത്ത് കൺതടങ്ങളിൽ പുരട്ടി അരമണിക്കുർ കഴിഞ്ഞ് കഴുകി കളയുക.
ഏതെങ്കിലും പഴത്തിന്റെ ജൂസ് എല്ലാ ദിവസവും മുഖത്തും കഴുത്തിലും പുരട്ടി ജലാംശം വലിഞ്ഞു കഴിഞ്ഞാൽ കഴുകി വൃത്തിയാക്കുക. ഇങ്ങനെ പതിവായി ചെയ്താൽ കറുത്തനിറം മാറിക്കിട്ടും.
 കഴുത്തിലെ കറുപ്പുനിറം മാറാൻ തൈരിലോ മോരിലോ കടലമാവ് ചേർത്ത് പതിവായി പുരട്ടുക.




No comments:

Post a Comment

Search This Blog