സ്ത്രീകൾ ശ്രദ്ധിക്കേണ്ട ആരോഗ്യനിർദ്ദേശങ്ങൾ - women's health tips

സ്ത്രീകൾ ശ്രദ്ധിക്കേണ്ട ആരോഗ്യനിർദ്ദേശങ്ങൾ

 കാത്സ്യം ധാരാളം കലർന്ന ഭക്ഷണത്തിന് സ്ത്രീകൾ പ്രാധാന്യം നൽകണം.
ഒരുമിച്ച് കഴിക്കുന്നതിനേക്കാൾ ഭക്ഷണം ചെറിയ ഭാഗങ്ങളായി ഇടവിട്ടുകഴിക്കുന്നതാണ് നല്ലത്. ഒരുദിവസം ആവശ്യമുള്ള കലോറിയുടെ അടിസ്ഥാനത്തിൽ ഭക്ഷണത്തോത് നിശ്ചയിക്കുക.
പഴങ്ങൾ, പഴച്ചാറ്, മുട്ട തുടങ്ങിയവ ഭക്ഷണത്തിന്റെ ഭാഗമാക്കാം. ചിപ്സ് തുടങ്ങിയവ ഉപേക്ഷിക്കുക.
ധാരാളം ജലം പാനം ചെയ്യുക  നിത്യവും ഏഴുമുതൽ എട്ടുഗ്ലാസ് ജലംവീതം കുടിക്കുക. ശരീരം ശുദ്ധമാകാൻ ഇതാവശ്യമാണ്. സിന്തറ്റിക്കായ പാനീയങ്ങൾ ഉപയോഗിക്കാതെ പഴച്ചാറും മറ്റും കുടിക്കുക. കാപ്പിയോ ചായയോ അമിതമായി ഉപയോഗിക്കരുത്. എല്ലാം മിതമായി കഴിക്കുക.

 നന്നായി ഉറങ്ങുക  നിത്യവും ഏഴ്, എട്ടുമണിക്കൂർ സമയം ഉറങ്ങുക. സുഖകരമായ ഉറക്കമാണ് ആവശ്യം. എങ്കിൽ മാത്രമേ ശരീരത്തിന് ശരിയായ വിശ്രമം അനുഭവപ്പെടുകയുള്ളു. അസമയത്തുറങ്ങുന്ന രീതി നിർത്തുക. ഉറക്കരീതി കൃത്യതയോടെ നിലനിർത്തുക. ഉറങ്ങുന്നതിനു മുമ്പ് കാപ്പിയോ ചായയോ ഉപയോഗിക്കരുത്. ഉച്ചയുറക്കം അധികസമയം നീളരുത്.
 ദന്തഡോക്സ് ഇടയ്ക്കിടെ കാണുക
ആറുമാസത്തിനിടയിൽ ദന്തഡോക്ടറെ കാണുന്നത് ശീലമാക്കുക. നല്ല ചിരി നിലനിർത്താൻ ഇത് ആവശ്യമാണ്. വായുടെ അശുദ്ധി പല്ലുകൾ കൊഴിയാനും മോണരോഗങ്ങൾ ഉണ്ടാകാനും കാരണമായിത്തീരുന്നു. വായിലെ ചെറിയ അസ്വസ്ഥതപോലും അവഗണിക്കരുത്. ഭക്ഷണ ശേഷം പല്ലുതേയ്ക്കുക എന്നത് ശീലമാക്കുക. ഇടയ്ക്കിടെ ഫ്ളോസ് ചെയ്യുന്നതും നല്ലതാണ്.
 . നിത്യവും 30 മിനിറ്റ് സമയമെങ്കിലും വ്യായാമം ചെയ്യേണ്ടതാണ്. പടികയറുക, നടക്കുക, നീന്തുക, നൃത്തംചെയ്യുക തുടങ്ങിയ ഏതുതരം വ്യായാമവും സ്വീകരിക്കാവുന്നതാണ്. സംഘർഷത്തിൽനിന്ന് മോചനം നേടാനും വ്യായാമം സഹായകമത്രെ.
വ്യക്തിഗത ശുചിത്വം പാലിക്കുക
വ്യക്തിഗതമായി പാലിക്കേണ്ട ശുചിത്വരീതികൾ കൃത്യമായിത്തന്നെ ഓരോരുത്തരും പരിശീലിക്കേണ്ടതാണ്. കുളിയും കൈകാൽകഴുകലും ഒഴിവാക്കരുത്. മൂക്ക് ചീറ്റു മ്പോഴും ചുമയ്ക്കുമ്പോഴും കർച്ചീഫ് ഉപയോഗിക്കുക. ലൈംഗികതയിൽ ശുചിത്വം പാലിക്കുക. ഗുഹ്യഭാഗങ്ങൾ ഇടയ്ക്കിടെ കഴുകി വൃത്തിയാക്കുക. ഇറുകിയ അടിവസ്ത്രങ്ങൾ ഉപയോഗിക്കരുത്. കഴിയുന്നതും കോട്ടൻ വസ്ത്രങ്ങൾ ഉപയോഗിക്കുക. ഇവ നിത്യവും മാറ്റുകയും വേണം. സാനിറ്ററി നാപ്കിനുകൾ നിത്യവും മാറ്റേണ്ടതാണ്. പാഡിൽ സ്പർശിക്കുന്നതിനുമുമ്പുതന്നെ കൈകൾ കഴുകി വൃത്തിയാക്കുക. ലൈംഗികബന്ധത്തിനുശേഷം മൂത്രം വിസർജ്ജിക്കുന്നത് നല്ലതാണ്. യൂറിനറിബ്ലാഡറിലും യൂറിത്രായിലും കടന്നുകൂടുന്ന പല ബാക്ടീരിയാകളും മൂത്രംവഴി പുറത്തുപോകുന്നു.
ഔഷധങ്ങൾ ഉപയോഗിക്കുന്നതിൽ പ്രത്യേക ശ്രദ്ധ ആവശ്യമാണ്. പ്രത്യേകിച്ച് വേദനസംഹാരികൾ. ഡോക്ടറുടെ നിർദ്ദേശമനുസരിച്ചുമാത്രം ഗർഭനിരോധന ഔഷധങ്ങൾ ഉപയോഗിക്കുക. ഔഷധങ്ങൾ ഉപയോഗിക്കുന്നതിൽ കൃത്യത പാലിക്കണം.
സംഘർഷം ഉപേക്ഷിക്കുക  വീട്ടിലും ഓഫീസിലുമെല്ലാം സംഘർഷം ഒഴിവാക്കുക. സംഘർഷം രക്തസമ്മർദ്ദം ഉയർത്തുന്നു. കൂടാതെ ഉൽക്കണ്, നിരാശ തുടങ്ങിയവ നിങ്ങളെ ക്ഷീണിതരാക്കിമാറ്റുന്നു. വ്യായാമം സംഘർഷം നിയന്ത്രിക്കാൻ സഹായിക്കുന്നു. യോഗ, ധ്യാനം തുടങ്ങിയവ സംഘർഷത്തിൽനിന്ന് മോചനം നേടാൻ സഹായിക്കുന്നു. ഏതെങ്കിലും കളികളിൽ ഏർപ്പെടാം. അൽപ്പം നടക്കാം. സന്തോഷം തരുന്ന മറ്റെന്തെങ്കിലും കാര്യങ്ങളിൽ ഏർപ്പെടാം. സുഹൃത്തുക്കളുമൊത്ത് സമയം ചിലവഴിക്കാം.

സൗന്ദര്യ സംരക്ഷണത്തിന് പനിനീർ - Beauty Tips

സൗന്ദര്യ സംരക്ഷണത്തിന് പനിനീർ
പനിനീർപ്പൂവിനെപ്പറ്റി ചിന്തിക്കുമ്പോൾ തന്നെ നമ്മുടെ മനസ്സിൽ സുഖമുള്ള നിരവധി സ്മരണകൾ തികട്ടിവരുന്നു. നാമറിയാതെ ഒരു സുഗന്ധം നമുക്ക് ചുറ്റും പരക്കുന്നു. റോസ്സാപ്പൂവിന്റെ മണവും നിറവുമെല്ലാം അനുഭൂതി ദായകമാണ്. പല നിറത്തിലും വലിപ്പത്തിലുംപെട്ട റോസ്സാപ്പൂവുകൾ ഇന്ന് നമുക്ക് ലഭ്യമാണ്.  റോസാപ്പൂവും സൗന്ദര്യസംരക്ഷണവുമായി ഇന്ന് വലിയ ബന്ധമുണ്ട്. സൗന്ദര്യസംരക്ഷണ വസ്തുക്കളിൽ ഒഴിച്ചുകൂടാൻ കഴിയാത്ത ഒന്നാണ് പനിനീർ. ഇതിന് നിരവധി ആരോഗ്യസംരക്ഷണ ഗുണങ്ങളുണ്ട്.  ചരിത്രപരമായിത്തന്നെ പനിനീരിന് വലിയൊരു പ്രാധാന്യമുണ്ട്. മതപരമായ ചടങ്ങുകളിലും സാമൂഹിക സാംസ്കാരിക ചടങ്ങുകളിലും പനിനീർ ഉപയോഗിച്ചിരുന്നു. ലോകസുന്ദരിയായിരുന്ന ക്ലിയോപാട്ര, ഏതാണ്ട് മൂവായിരം വർഷങ്ങൾക്കുമുമ്പ് പനിനീർ ലൈംഗിക ഉത്തേജക ഔഷധമായി ഉപയോഗിച്ചിരുന്നു. ക്ലിയോപാട്ര, കുളിച്ചിരുന്നത് റോസ്സാദലങ്ങൾ വിതറിയ പാലിലായിരുന്നുവത്രെ. ബാബിലോണിയായിലും മറ്റും റോസും പനിനീരും ഔഷധനിർമ്മാണത്തിന് ഉപയോഗിച്ചിരുന്നു. ഇന്ത്യയിൽ രാജകീയഭക്ഷണങ്ങളിൽ പനിനീർ ഒരു ഘടകമായിരുന്നു. റോസ്സാപ്പൂക്കൾക്കും, പനിനീരിനും അന്ന് വിരുദ്ധ ഗുണങ്ങളുള്ളതിനാൽ പൗരാണികറോമിൽ ഇവ ആന്റീ സെപ്റ്റിക്കായും ഉപയോഗിച്ചിരുന്നു. രാജാക്കന്മാർ കുളിച്ചിരുന്നതും കൈകൾ കഴുകുന്നതും പനിനീരിലായിരുന്നു. സംഘർഷങ്ങളിൽനിന്ന് മോചനം നേടാനും നിരാശാരോഗത്തിൽനിന്നും മോചനം നേടാനും പനിനീർ സഹായിക്കുന്നു. ഇന്ന് മിക്ക വീടുകളിലും പനിനീർ വാങ്ങി സൂക്ഷിക്കുന്നു.
പനിനീരിന്റെ ഗുണങ്ങൾ
ത്വക്കിന്
സൗന്ദര്യവുമായി ബന്ധപ്പെട്ട് ഇന്ന് ധാരാളം പേർ പനിനീർ ഉപയോഗിക്കുന്നു. ത്വക്കിന്റെ സൗന്ദര്യസംരക്ഷണത്തിന് പനിനീർ ഏറെ ഗുണകരമാണ്. ബാക്ടീരിയായുടെ ആക്രമണത്തിൽ നിന്നും പനിനീർ ത്വക്കിനെ സംരക്ഷിക്കുന്നു. ത്വക്കിന് നല്ല ടോൺ നൽകുന്നതിനും പനിനീർ സഹായിക്കുന്നു. ത്വക്കിൽ പറ്റിപ്പിടിക്കുന്ന പൊടികൾ, അഴുക്കുകൾ, എണ്ണ തുടങ്ങിയവ തുടച്ചുമാറ്റാൻ പനിനീർ ഉപയോഗിക്കാവുന്നതാണ്. ത്വക്കിലെ രക്തധമനികളെ കൂടുതൽ പ്രവർത്തന ക്ഷമമാക്കുന്നതിനും പനിനീർ സഹായിക്കുന്നു.  മുഖക്കുരു തുടങ്ങിയവയിൽ നിന്ന് ആശ്വാസം ലഭിക്കുവാൻ പനിനീർ തേച്ചാൽ മതിയാകും.
മുടിക്ക്
പനിനീർ രക്തയോട്ടം ത്വരിതപ്പെടുത്തുന്നതിനാൽ മുടിവളരാൻ സഹായിക്കുന്നു. മുടിയിലുണ്ടാകുന്ന താരൻ ഇല്ലാതാക്കാൻ പനിനീർ തേച്ചാൽ മതിയാകും.
കണ്ണുകൾക്ക്
 കണ്ണുകളുടെ ക്ഷീണമകറ്റാൻ പനിനീർ ഉപയോഗിച്ചാൽ മതിയാകും. കമ്പ്യൂട്ടറിന്റെ മുന്നിൽ ഏറെ സമയം ചെലവഴിക്കുന്നവർ ഇടയ്ക്കിടെ പനിനീർ കൊണ്ട് മുഖം കഴുകുന്നത് നല്ലതാണ്. കണ്ണിന് നല്ല തിളക്കം കിട്ടാൻ ഇത് സഹായിക്കുന്നു.
പല്ലിന്
പനിനീരുകൊണ്ട് പല്ലിന്റെ പല രോഗങ്ങളും
ഭേദപ്പെടുത്താൻ കഴിയുന്നു. മോണയിലുണ്ടാകുന്ന നീര് കുറയാൻ പനിനീർ പുരട്ടിയാൽ മതിയാകും.  പല്ലുകളുടെ വേരിന് ഉറപ്പുകിട്ടാനും പനിനീർ സഹായിക്കുന്നു. വായിലെ ദുർഗന്ധം അകറ്റാൻ ഇടയ്ക്കിടെ പനിനീർ വായിൽ കൊള്ളുക. പനിനീർ മൗത്തുവാഷായി ഉപയോഗിക്കാവുന്നതുമാണ്.
സംഘർഷം ഒഴിവാക്കാൻ
റോസിന്റെ സുഗന്ധം സംഘർഷം ഒഴിവാക്കാൻ  ഉത്തമമാണ്. സ്പാകളിലും “അരോമാതെ - റാപ്പിസെന്ററു'കളിലും പനിനീരും റോസ് എണ്ണയും ഉപയോഗിക്കുന്നുണ്ട്.

പാർശ്വഫലങ്ങളില്ലാത്ത പ്രകൃതിദത്ത സൗന്ദര്യ ടിപ്സ് - Beauty Tips

പാർശ്വഫലങ്ങളില്ലാത്ത  പ്രകൃതിദത്ത സൗന്ദര്യ ടിപ്സ്
തലമുടി തഴച്ചുവളരാൻ രാത്രി കിടക്കാൻ നേരം ആവണക്കെണ്ണ ചെറുചൂടോടെ തലയോട്ടിയിൽ നല്ലവണ്ണം തേച്ചുപിടിപ്പിച്ച് രാവിലെ താളിതേച്ച് കഴുകിക്കളയുക.
താരൻ ശല്യത്തിന് തേങ്ങാപ്പാലിൽ ചെറുനാരങ്ങാനീര് ചേർത്ത് തലയിൽ പുരട്ടുക.
കണ്ണിന് താഴെയുള്ള കറുത്ത പാടുകൾ മാറാൻ തേനോ പശുവിൻനെയ്യോ പുരട്ടുക. പാലും നേന്ത്രപ്പഴവും ചേർത്ത് പേസ്റ്റ് പരുവത്തിലാക്കി കണ്ണിനുചുറ്റും പുരട്ടുക.
 ഒട്ടിയ കവിൾ തുടുക്കാൻ പതിവായി വായിൽ വെള്ളം നിറച്ച് കുറെസമയം പിടിച്ചിരിക്കുക. കിടക്കുന്നതിനുമുമ്പ് കവിളുകളിൽ ബദാം എണ്ണ തടവുന്നതും നല്ല ഫലമേകും.
മുഖകാന്തി വർദ്ധിക്കാൻ തേങ്ങാപ്പാലിൽ വെളിച്ചെണ്ണയോ തേനോ ചേർത്ത് പുരട്ടുക. കടലമാവ് പശുവിൻപാലിൽ കുഴച്ച് മുഖത്ത് പുരട്ടുക. ഉണക്കമുന്തിരി, തേൻ, നേന്ത്രപ്പഴം, കൽക്കണ്ടം ഇവ ദിവസവും രാവിലെ നെയ്യിൽ ചാലിച്ച് കഴിച്ചാൽ ശരീരം വെളുക്കുന്നതോടൊപ്പം മുഖവും തുടുക്കും.
 മുഖത്ത് രോമം വളരുന്നത് തടയാൻ പച്ചപപ്പായയും മഞ്ഞളും ചേർത്തരച്ച് മുഖത്തു പുരട്ടി അരമണി ക്കൂറിനുശേഷം ശുദ്ധവെള്ളംകൊണ്ട് കഴുകിക്കളയുക.
മുഖക്കുരു മാറാൻ പച്ചമഞ്ഞളും തുളസിയിലയും ചേർത്തരച്ച് മുഖത്തു പുരട്ടുക.
തക്കാളിനീരും വെളിച്ചെണ്ണയും കലർത്തി ചുണ്ടുകളിൽ പുരട്ടി കിടന്നാൽ ചുണ്ടുകൾ ചുവക്കും. ബീറ്റ്റൂട്ടിന്റെ നീര് പതിവായി ചുണ്ടുകളിൽ പുരട്ടിപ്പോന്നാലും ചുണ്ടുകൾക്ക് നല്ല ചുവപ്പുനിറം കിട്ടും. നെല്ലി ക്കാനീര് പതിവായി പുരട്ടിയാൽ ചുണ്ടുകളുടെ മങ്ങിയ നിറം വീണ്ടെടുക്കാം.
ഓറഞ്ചുതൊലി ഉണക്കിപ്പൊടിച്ച് ഉപ്പുചേർത്ത് പല്ലുതേച്ചാൽ പല്ലുകൾക്ക് വെൺമയും തിളക്കവുമുണ്ടാവും.
മുഖത്തെ ചുവന്ന പാടുകൾ മാറാൻ ഒരുകപ്പ് പശുവിൻപാലിൽ അൽപ്പം കാരറ്റ് ജ്യൂസും ഓറഞ്ച് ജസും ചേർത്ത മിശ്രിതം പതിവായി മുഖത്തു തേയ്ക്കുക.
കുങ്കുമാദി തൈലം പുരട്ടിയാൽ മുഖത്തെ കറുപ്പുനിറം ഇല്ലാതാകും.
ചർമ്മകാന്തിയും ശരീരസൗന്ദര്യവും നിലനിർത്തുന്നതിൽ വെള്ളത്തിനുള്ള പങ്ക് വളരെ വലുതാണ്. ശരീരത്തിലെ ജലനഷ്ടം കുറയ്ക്കാൻ പഴച്ചാറുകളും ഇളനീരും, തിളപ്പിച്ചാറിയ വെള്ളവും ധാരാളം കുടിക്കുക.
പനിനീരും ഗ്ലിസറിനും സമം ചേർത്ത് കൈമുട്ടുകളിലും കാൽമുട്ടുകളിലും പുരട്ടിയാൽ മുട്ടുകളിലെ കറുപ്പ് അപ്രത്യക്ഷമാവും.
 വേപ്പിലയും പച്ചമഞ്ഞളും തൈരിൽ അരച്ചുപുരട്ടിയാൽ ഉപ്പൂറ്റിവിള്ളലിന് ശമനം കിട്ടും.
 

സീരിയൽ നടി സ്വാസികയുടെ വിശേഷങ്ങൾ - Malayalam TV serial actress swasika

കഴിഞ്ഞ കുറേ ദിവസങ്ങളായി സ്വാസികയെ തേടി കുറേ ഫോൺ കാളുകൾ വരുന്നു. “ദത്തുപുത്രി' എന്ന സീരിയലിലെ അഭിനയം കണ്ടശേഷമാണ് ഈ വിളിയെല്ലാം വരുന്നത്. മലയാളത്തിൽ കുറച്ച സിനിമകൾ ചെയ്തിട്ടും ശ്രദ്ധിക്കപ്പെട്ടില്ലല്ലോ എന്ന സങ്കടം സ്വാസിക അപ്പാടെ മായ്ച്ചു കളഞ്ഞത് ഈ സന്തോഷത്തിൽ കൂടിയാണ്. പ്രേക്ഷകരുടെ അംഗീകാരത്തിലൂടെ നല്ല കഥാപാത്രങ്ങൾ സിനിമയിലും കിട്ടുമെന്ന പ്രതീക്ഷയിലാണ്.
കൺഫ്യൂഷൻ ഉണ്ടായിരുന്നു
 പട്ടുസാരി, ചന്ദനമഴ, കറുത്തമുത്ത്, ഭാഗ്യദേവത തുടങ്ങിയ സീരിയലുകളിലേക്ക് വിളിച്ചിരുന്നു. ആ സമയത്ത് നല്ല കൺഫ്രഷനുണ്ടായിരുന്നു. തമിഴിലും മലയാളത്തിലുമായി കുറച്ച സിനിമകൾ ചെയ്യന്നുണ്ടായിരുന്നു. പെട്ടെന്നൊരു തീരുമാനം എടുക്കേണ്ട എന്നു കരുതി. വേണമെന്നു തോന്നിയ റോളുകളൊന്നും തന്നെ സിനിമയിൽ നിന്നും വരാത്ത സമയത്താണ് “ദത്തു പുത്രി' സീരിയലിൽ നിന്നും വിളി വന്നത്. മികച്ച ടീമിന്റെ സീരിയൽ കൂടിയായപ്പോൾ മറ്റൊന്നും തന്നെ ആലോചിച്ചില്ല. ഡബിൾ റോളാണ്, അഭിനയിക്കാനുള്ള സ്പേസുണ്ട് വെറുതേ വന്നുപോകുന്ന റോളുമല്ല. ഇതൊക്കെ ചിന്തിച്ചപ്പോൾ ഓഫർ കളയേണ്ട എന്നു തോന്നി. തമിഴിൽ നവംബറിൽ സിനിമ റിലീസ് ചെയ്തിട്ടണ്ട്. "പ്രഭുവിന്റെ മക്കൾ' എന്ന സിനിമയിൽ നല്ല വേഷമായിരുന്നു, ഓഫ്ബീറ്റ് സിനിമയായതിനാൽ അത്ര ശ്രദ്ധിക്കപ്പെട്ടില്ല. ഇപ്പോൾ പക്ഷേ കുറേപേർ കണ്ട്നല്ല അഭിപ്രായങ്ങൾ പറയുന്നുണ്ട്. "അറ്റ്ൺ സാ' അവസാനം റിലീസ് ചെയ്ത ചിത്രം. ബാബു ജനാർദ്ദനന്റെ ഒരു ചിത്രം കൂടി വരാനുണ്ട്.
റിയാലിറ്റി ഷോ
  "ബിഗ്ബ്രേക്ക് എന്ന റിയാലിറ്റി ഷോ വഴിയാണ് അഭിനയരംഗത്തേക്ക് എത്തിയത്. മൂന്നുവർഷം മുമ്പായിരുന്നു അത്. കുട്ടിക്കാലം മുതലേ അഭിനയത്തോടു വലിയ താത്പര്യമായിരുന്നു. മറ്റുള്ളവരെ അനുകരിക്കുക, പാട്ടും ഡാൻസുമായി നടക്കുക.. ഇതൊക്കെ കൊച്ചുനാളിലേ ഉണ്ട്. എട്ടാം ക്ലാസിൽ പഠിക്കുമ്പോൾ സിനിമയിൽ അഭിനയിക്കണമെന്ന രീതിയിലായി. പത്രത്തിൽ പരസ്യമൊക്കെ വരുമ്പോൾ പോയിട്ടുണ്ട്. കുറച്ചു മോഡലിംഗും ചെയ്തു. ഷോയുടെ പരസ്യം കണ്ടാണ് അപേക്ഷ നൽകിയത്. അങ്ങനെ അവർ വിളിച്ചു. ലാൽ ജോസ് സാറുണ്ടായിരുന്നു ജഡ്ജിമാരിൽ ഒരാളായി. പിന്നീട് സാറിന്റെ “അയാളും ഞാനും തമ്മിൽ' എന്ന സിനിമയിൽ നല്ലൊരു വേഷവും കിട്ടി..
സിനിമയിലേക്ക്
  തമിഴിൽ നിന്നായിരുന്നു ആദ്യം ഓഫർ വന്നത്. വൈഗൈ, ഗോപിപാളയം.മെതാനം എന്നിങ്ങനെ മൂന്നു ചിത്രങ്ങൾ തുടർച്ചയായി കിട്ടി. അതിലെ റോളുകളെല്ലാം ശ്രദ്ധിക്കപ്പെട്ടു. പിന്നെ മലയാളത്തിൽ കാറ്റ് പറഞ്ഞ കഥ, സിനിമാ കമ്പനി, ഒറീസ എന്നീ ചിത്രങ്ങൾ. തമി ഴിൽ നിന്ന് നല്ല ശ്രദ്ധ കിട്ടിയിട്ടുണ്ട്. മലയാളത്തെക്കാൾ വ്യത്യസ്തമായ വേഷങ്ങൾ കിട്ടിയതും അവിടെയാണ്. തെലുങ്കിലും ഒരു പടം ചെയ്തു. അന്യഭാഷകളെക്കാൾ ഇവിടെയെന്തെങ്കിലും ചെയ്യണമെന്നായിരുന്നു ആഗ്രഹം. സ്വപ്നം കണ്ട ഒരു ശ്രദ്ധ ലഭിച്ചില്ലെന്നതിൽ അൽപ്പം സങ്കടമുണ്ട്, പക്ഷേ, ഇപ്പോഴും പ്രതീക്ഷയുണ്ട്.
ഭാഗ്യത്തിന്റെ റോൾ
 സിനിമയിൽ ഉയർന്നുവരണമെങ്കിൽ പരിശ്രമത്തോടൊപ്പം നല്ല ഭാഗ്യവും വേണം. ഭാഗ്യത്തിന് പ്രധാന റോളുണ്ടെന്ന കാര്യം എന്റെ അനുഭവത്തിൽ നിന്നാണ് പറയുന്നത്. ചെറിയ വേഷത്തിലൂടെവന്ന് ഉയരങ്ങളിലെത്തുന്ന കുറേപേരുണ്ട്, അതേപോലെ ഒറ്റ ദിവസം കൊണ്ട് പ്രശസ്തിയിലേക്ക് ഉയരുന്നവരും. ഇവിടെയെല്ലാം പരിശ്രമത്തോടൊപ്പം ഭാഗ്യവും നന്നായി വേണം. എന്റെ കാര്യത്തിൽ ഇതുവരെ ആ ഭാഗ്യം തേടി വന്നില്ല. പക്ഷേ, അതൊരു ദിവസമുണ്ടാകുമെന്നു തന്നെ ഞാൻ വിശ്വസിക്കുന്നു. വളരെ പോസിറ്റീവായാണ് ഈ സാഹചര്യങ്ങളെയെല്ലാം വിലയിരുത്തുന്നത്. ഭാഗ്യം വരുന്നതിനും പോകുന്നതിനും പ്രത്യേക കാരണങ്ങളൊന്നുമില്ലല്ലോ.
കൈവന്ന ആത്മവിശ്വാസം
 അൽപ്പസ്വൽപ്പം നാണം കുണുങ്ങിയായ പെൺകുട്ടിയായിരുന്നു ഞാൻ. അഭിനയിക്കണമെന്ന് അതിയായി ആഗ്രഹിക്കുമ്പോഴും പെട്ടെന്നൊരു ദിവസം കാമറയുടെ മുന്നിലേക്ക് വരാനൊക്കെ എനിക്കു പേടിയായിരുന്നു. അതിനുള്ള ധൈര്യം തന്നത് ഷോയായിരുന്നു. എങ്ങനെ സംസാരിക്കണം, പെരുമാറണം ഇതൊക്കെ പറഞ്ഞു തന്നതഷോയായിരുന്നു. എന്റെ ആറ്റിറ്റ്യഡ് തന്നെ മാറ്റിയത് സിനിമയായിരുന്നു. സാധാരണ കുടുംബത്തിൽ വളർന്ന എന്നെ സംബന്ധിച്ചിടത്തോളം അത്ഭുതലോകം തന്നെയായിരുന്നു സിനിമ. ഇത്തിരി സമയമെടുത്തങ്കിലും വളരെ പെട്ടെന്നു തന്നെ അഭിനയത്തോടും സിനിമ എന്ന വലിയ ലോകത്തോടും ഇഴുകി ചേരാൻ എനിക്ക് സാധിച്ചു. ഞാൻ പോലും അതിശയപ്പെട്ടൊരുകാര്യമായിരുന്നുഈമാറ്റം. നേരത്തെ പറഞ്ഞതുപോലെ വളരെ പണ്ടസിനിമഉള്ളിലുണ്ടായിരുന്നെങ്കിലും അതൊരു ആഗ്രഹം മാത്രമായിരുന്നു. പക്ഷേ ഇപ്പോൾ അത്പാഷൻ തന്നെയാണ്. സിനിമയെക്കുറിച്ച് കൂടുതൽ പഠിക്കണം, മനസിലാക്കണം, എന്റെ പേര് പറ്റാവുന്ന രീതിയിൽ അടയാളപ്പെടുത്തണം എന്നൊക്കെയുണ്ട് മനസിൽ. നടക്കുമെന്ന് വിശ്വസിക്കുന്ന മോഹങ്ങളാണ് ഇതൊക്കെ. എന്നെ കൂടുതൽ ഇംപൂവ് ചെയ്യാനുള്ള പരിശ്രമമൊക്കെ ഒരുപാടുണ്ട് എന്റെ ഭാഗത്തുനിന്നും. സിനിമ എന്നെ പഠിപ്പിച്ച കാര്യങ്ങളാണ്.
 വീടുണ്ട് കൂടെ
 അമ്മയാണ് എനിക്ക് ഏറ്റവും കൂടുതൽ സപ്പോർട്ട്. അച്ഛൻ വിദേശത്തു ജോലി ചെയ്യുകയാണ്. അഭിനയമൊക്കെ കരിയറായി കൊണ്ടു പോകാൻ കഴിയുമോ എന്ന രീതിയിൽ അച്ഛന് ആശങ്കയുണ്ടായിരുന്നു. എന്റെ മനസിലാക്കിയതുകൊണ്ടാവാം ഇപ്പോൾ എന്റെ കൂടെ നിൽക്കുന്നുണ്ട്. ഇവർക്കൊപ്പം തന്നെ കുടുംബാംഗങ്ങളെല്ലാം എന്റെ കൂടെയുണ്ട്. അവരുടെ വീട്ടിലെ കുട്ടി എന്നതിനൊപ്പം തന്നെ നല്ലതായാലും ചീത്തയായാലും അഭിനയത്തെക്കുറിച്ചുള്ള എല്ലാ കമന്റ്സുകളും വരാറുണ്ട്.
കാത്തിരിക്കുന്ന വേഷങ്ങൾ
തുടക്കാരിയെന്ന നിലയിൽ മികച്ച വേഷങ്ങൾ മാത്രമേ ചെയ്യാൻ കഴിയൂ എന്ന് വാശിപിടിക്കാൻ കഴിയില്ല, അങ്ങനെ തീരുമാനിച്ചാലും കിട്ടുമെന്നും പറയാൻ കഴിയില്ല. ആദ്യമൊക്കെ നോക്കിയിരുന്നത് നല്ല സംവിധായകരാണോ എന്നായിരുന്നു. ഇനി വരുന്ന സിനിമകൾ കുറച്ചുകൂടി ശ്രദ്ധിച്ച് ചെയ്യണമെന്നാണ്. വെറുതേ ഒരു സീനിൽ വന്നിട്ട് കാര്യമില്ല. കുറച്ചു കൂടി സെലക്ടീവാകണം എന്നുണ്ട്. ഈ സീരിയൽ ചെയ്യാൻ കാരണം എന്നെ തന്നെ സന്തോഷിപ്പിച്ച വേഷം എന്ന നിലയിലാണ്. ഇത്രയും നാളത്തെ കാത്തിരിപ്പിനുള്ള ഫലം തന്നെയാണ് എന്ന് എനിക്കു തോന്നി.